Каўліфларыя

Каўліфларыя. Плоды на стволе дерева какава.

Каўліфларыя (ад грэч. καυλός «сцябло, ствол» і лац.: flos, floris «кветка») — развіццё ў дрэў кветак, а затым і пладоў непасрэдна на ствале і тоўстых галінах. Кветкі развіваюцца са спячых пупышак. Для развіцця пладоў на тоўстых галінах ўжываецца і адмысловы тэрмін — раміфларыя (ад лац.: ramus «галіна»).

Па меркаванні натураліста Альфрэда Уолеса, кветкі, размешчаныя на ствале ніжэй кроны, лягчэй адшукаць апыляльнікам. Плады такіх дрэў таксама больш даступныя для птушак і лятучых мышэй, якія, з'ядаючы плод, распаўсюджваюць насенне. Дрэвам з вельмі буйнымі і цяжкімі пладамі каўліфларыя дазваляе зберагчы тонкія галіны, якія не вытрымалі б вагі пладоў.

Каўліфларыя сустракаецца ў трапічных раслін, сярод якіх какава, хурма, дурыян, хлебнае дрэва, джэкфрут, Artocarpus integer і іншыя. Сярод раслін сярэдняй паласы гэта з'ява сустракаецца ў воўчаягады звычайнай і абляпіхі.

Літаратура

• Каўліфларыя (руск.) — артыкул з Вялікай савецкай энцыклапедыі

Спасылкі

• Артыкул пра каўліфларыю з газеты «Первое сентября» Архівавана 29 верасня 2007.
• Прыклады каўліфларыі трапічных дрэў (фатаграфіі)
• The Truth About Cauliflory. Flowers That Bloom On Tree Trunks Архівавана 30 красавіка 2015.