Кенет Това
| Кенет Това | |
|---|---|
 | |
| Дата нараджэння | 21 сакавіка 1961 (63 гады) |
| Месца нараджэння | |
| Альма-матар | |
| Грамадзянства | |
| Прыналежнасць | ЗША |
| Род войскаў | Армія ЗША |
| Званне | генерал-лейтэнант[d] |
| Бітвы/войны | |
 Медыяфайлы на Вікісховішчы | |
Кенет Эрнест Това (англ.: Kenneth Ernest Tovo; нар. 21 сакавіка 1961) — генерал-лейтэнант арміі ЗША ў адстаўцы. Начальнік Цэнтральнага камандавання спецыяльных аперацый (2011—2013) і камандавання спецыяльных аперацый арміі (2015—2018).
Біяграфія[правіць | правіць зыходнік]
У арміі з 1983 года. Спачатку служыў у 508-м пяхотным палку, потым у 504-м стралковым парашутна-дэсантным. У перыяд з 1987 па 1989 гады прайшоў падрыхтоўку да службы ў спецназе. Залічаны ў 10-ю групу сіл спецыяльнага прызначэння. У час вайны ў Персідскім заліве накіраваны ў Турцыю, з тэрыторыі якой прымаў удзел у асобных місіях аперацыі «Бура ў пустыні», а ў пасляваенны перыяд — аперацыі «Provide Comfort». У 1990-я гады падраздзяленне Това было разгорнута ў Босніі і Герцагавіне. У пачатку Іракскай вайны ўдзельнічаў у аперацыі «Молат вікінгаў». Пасля кароткай службы ў штаце камандавання спецыяльных аперацый і атрымання ступені магістра стратэгічных даследаванняў у Ваенным каледжы арміі ЗША Това прызначаны камандзірам 10-й групы спецыяльных сіл. У 2008 годзе заняў пасаду намесніка начальніка камандавання спецыяльных аперацый ЗША ў Еўропе[1].
У красавіку 2009 года прызначаны ў 1-ю бранятанкавую дывізію[2]. 9 мая 2011 года стаў начальнікам Цэнтральнага камандавання спецыяльных аперацый ЗША[3]. У студзені 2013 года стаў камандуючым Аб’яднаным пераходным камандаваннем бяспекі ў Афганістане і Навучальнай місіяй НАТА ў Афганістане[4]. 18 ліпеня 2013 года прызначаны намеснікам начальніка Паўднёвага камандавання ЗША[5]. З 2015 года ўзначальваў Камандаванне спецыяльных аперацый арміі ЗША. 8 чэрвеня 2018 года падаў у адстаўку[6][7].
На «грамадзянцы» разам з жонкай заснаваў кансалтынгавую фірму DOL Enterprises, Inc., кансультуючы па пытаннях стратэгічнага планавання, кіравання рызыкамі і эфектыўнай арганізацыі[8][9].
Сям’я[правіць | правіць зыходнік]
Мае жонку Сюзанну і двух сыноў. Адзін стаў вайскоўцам, другі — настаўнікам[8].
Узнагароды[правіць | правіць зыходнік]
Памяць[правіць | правіць зыходнік]
Яго імем названа медыцынская клініка ў г. Халабджа, Ірак[10].
Крыніцы[правіць | правіць зыходнік]
- ↑ United States Army – Bigadir General Keneth E. Tovo
- ↑ IMMEDIATE RELEASE No. 283-09 - General Officer Announcements(нявызн.). Праверана 10 сакавіка 2013.
- ↑ IMMEDIATE RELEASE No. 390-11 - General Officer Announcements(нявызн.). Праверана 10 сакавіка 2013.
- ↑ IMMEDIATE RELEASE No. 043-13 - General Officer Announcements(нявызн.). Праверана 10 сакавіка 2013.
- ↑ IMMEDIATE RELEASE No: 519-13 - General Officer Announcements(нявызн.). Праверана 17 красавіка 2015.
- ↑ USASOC welcomes Tovo as Commanding General(нявызн.). Праверана 26 ліпеня 2020.
- ↑ USASOC farewells Lt. Gen. Tovo, welcomes Lt. Gen. Beaudette(нявызн.). Праверана 26 ліпеня 2020.
- ↑ а б Lieutenant General (Retd.) Kenneth E. Tovo
- ↑ DOL Enterprises, Incorporated
- ↑ On the Ground: New Clinics, Schools, Supplies Improve Life for Iraqis(нявызн.). Праверана 17 красавіка 2015.
Спасылкі[правіць | правіць зыходнік]
- Kenneth E. Tovo Lieutenant General United States Army Deputy Commander, U.S. Southern Command Biografie auf der Internetseite des Southern Command
- Lieutenant General Ken Tovo Biografie auf der Offiziellen Seite für die Operation Resolute Support