Кент (паўвостраў)
| Кент | |
|---|---|
 | |
| 68°30′ пн. ш. 107°00′ з. д.HGЯO | |
| Акваторыя | Паўночны Ледавіты акіян |
| Краіна | |
 Медыяфайлы на Вікісховішчы | |
Кент (англ.: Kent Peninsula) — буйны паўвостраў на паўночным захадзе Канады.
Геаграфія[правіць | правіць зыходнік]
Паўвостраў Кент знаходзіцца на поўначы мацерыковай часткі тэрыторыі Нунавут. Да захаду ад паўвострава ляжыць заліў Каранейшэн. На поўначы праліў Дзіс аддзяляе яго ад буйнага вострава Вікторыя. На поўдні праліў Мелвіл і заліў Элу амаль цалкам адразаюць паўвостраў ад мацерыка, з якім ён звязаны толькі вузкім перашыйкам на паўднёвым усходзе[1]. На паўднёвым усходзе абмываецца водамі бухты Лабірынт заліва Куін-Мод. Крайні заходні пункт паўвострава — мыс Фліндэрс (Flinders Cape), крайні паўночны — мыс Аляксандэр (Cape Alexander). Найвышэйшы пункт паўвострава — Маўнт-Джордж (Mt.George) вышынёй 183 метра[2]. Даўжыня паўвострава 112 км, шырыня — 40 км.
Паўвостраў названы Томасам Сімпсанам у гонар Герцагіні Кенцкай, сястры караля Бельгіі Леапольда I[3] і маці каралевы Вялікабрытаніі Вікторыі.