Коўра вялікая

З пляцоўкі Вікіпедыя
Jump to navigation Jump to search
Коўра вялікая
Great crested Grebe RWD7.jpg
Падвiд Podiceps cristatus cristatus
Навуковая класіфікацыя
Міжнародная навуковая назва

Podiceps cristatus (Linnaeus, 1758)

Арэал

выява

Ахоўны статус
Wikispecies-logo.svg
Сістэматыка
на Віківідах
Commons-logo.svg
Выявы
на Вікісховішчы
ITIS  174491
NCBI  345573
EOL  1049443
FW  372487

Коўра вялікая, паганка вялікая, чомга (Podiceps cristatus) — вадаплаўная птушка атрада паганкападобных.

Апісанне[правіць | правіць зыходнік]

Даўжыня цела 46-61 см, размах крылаў 81-90 см. Маса 1—1,2 кг. Самцы большыя за самак.

Спіна буравата-чорная, брушка белае, бакі ржава-рыжыя. У гнездавым апярэнні 2 чубы і ржавыя «бакенбарды», у зімовым апярэнні чубы слаба вызначаныя, «бакенбарды» знікаюць. Над вокам белая палоска, белы бок галавы, чырванаватая дзюба. Маладыя птушкі да канца лета маюць на спіне і баках галавы цёмныя, падоўжныя палоскі. У палёце доўгая, тонкая шыя з вялікай галавой, зверху на цёмных крылах белае люстэрка і трохвугольная белая пляма. Голас гучны, хрыплаваты.

Добра плавае і нырае, узлятае з разбегу. Палёт хуткі.

Пашырэнне[правіць | правіць зыходнік]

Насяляе вадаёмы са стаячай вадой за выключэннем вельмі малых па плошчы азёр і сажалак.

Арэал разарваны: Еўропа без паўночна-ўсходняй, заходняй і паўночнай Скандынавіі, праз Расію, Малую Азію і краіны Блізкага Усходу да Карэйскага п-ва; паўночны захад Афрыкі і на поўдзень ад Сахары, паўднёва-ўсходняя Аўстралія, Новая Зеландыя і Тасманія. Пералётны від, у Афрыцы і Аўстраліі аселы. Месца зімовак: Заходняя і Паўднёвая Еўропа, Паўднёвая і Усходняя Азія (узбярэжжа Кітая, Японія). На Беларусі звычайны на гнездаванні пералётны, транзітна мігрыруючы i ў невялікай колькасці зімуючы від.

Асаблівасці біялогіі[правіць | правіць зыходнік]

Корміцца дробнай рыбай, воднымі ракападобнымі, малюскамі. Заглынае пёры, якія выконваюць ролю гастралітаў.

Па́ра ў шлюбны перыяд

У шлюбны перыяд птушкі плаваюць парамі, адначасова ныраюць за воднымі раслінамі.

Гняздо — плывучая недалёка ад краю трыснягу вільготная куча з гніючых водных раслін. Можа гняздзіцца ў калоніях.

Яйкі (3-5) з аднолькавазавостранымі канцaмі, белыя; памеры: 53 х 36 мм.

Падвiды[правіць | правіць зыходнік]

Podiceps cristatus infuscatus у Паўднёвай Афрыцы
  • Р. с. сristatusЕўропа і Цэнтральная Азія да Манголіі і Карэі;
  • P. c. infuscatus — лакальна ва ўсходняй, паўднёвай і заходне-цэнтральнай частках Афрыкі;
  • P. c. australis — паўднёвая Аўстралія, Тасманія, паўднёвая частка Новай Зеландыі.

Літаратура[правіць | правіць зыходнік]

  • Птушкі Еўропы: Палявы вызначальнік / пад рэд. М. Нікіфарава. — Варшава: Навуковае выдавецтва ПНВ, 2000.