Краіна плачу

Краіна плачу
Краіна плачу;
	Краіна плачу
Жанр	фэнтэзійны фільм і драматычны фільм
Рэжысёр	Ян Лысы[d];
Сцэнарыст	Ян Лысы[d];
Працягласць	13 хв.
Краіна	Беларусь;
Мова	беларуская
Год	17 чэрвеня 2019
IMDb	ID 12110742

«Краі́на пла́чу» — беларускі кароткаметражны беларускамоўны мастацкі фільм, зняты выпускніком Беларускай дзяржаўнай акадэміі мастацтваў Янам Лысым у 2019 годзе^[1]^[2]. Фільм зняты з выкарыстаннем карцін Каспара Давіда Фрыдрыха і музыкі Франца Шуберта^[3].

Сюжэт[правіць | правіць зыходнік]

Яны шукаюць паратунак у казцы, нават жывучы ў казцы.

з уступнай застаўкі^[en] фільма

Маленькая дзяўчынка жыве ў чароўным Свеце Ценяў, дзе не існуе ні радасці, ні гора. Яе адзіны сябар Цень распавядае ёй казачныя гісторыі пра іншы свет, у якім існуюць аўтамабілі і высотныя будынкі, бываюць мама, тата, а таксама смех і слёзы. Дзяўчынка пачынае марыць патрапіць у тую казку, нягледзячы на папярэджанні Ценю, што плакаць там прыйдзецца штодзённа і з самага першага моманту: пра гэта ён ведае, бо аднойчы ў Свеце Ценяў ужо жыў адзін хлопчык, якому таксама надакучыла прабыванне ў поўным супакоі. Тады ён адправіўся да загадкавай пячоры, з якой яго клікаў жаночы голас. Цень абвязаў хлопчыка адмысловай стужкай, каб, у выпадку рашэння вярнуцца, той мог знайсці дарогу назад. Аднак праз хвіліну стужка абарвалася, а з глыбіні пячоры Цень упершыню пачуў дзіцячы плач.

Дзяўчынка адмаўляецца верыць у кепскі канец гэтай гісторыі, падазраючы, што Цень проста не хоча яе адпускаць. Яна аб’яўляе «Проста надакучыла!» і сыходзіць у пошуках той пячоры. Цень не спыняе яе, а толькі працягвае перасцерагаць, не разумеючы, што́ дзецям так надакучае ў бясстрашным Свеце Ценяў. Дасягнуўшы пячоры, дзяўчынка таксама чуе голас жанчыны, якая кліча яе да сябе, і разумее: гэта яе мама. Тады Цень скідае верхнюю вопратку і за ягонай спінай узнікаюць анёльскія крылы. Ён прыкладае да вуснаў дзяўчынкі ўказальны палец і абвязвае вакол яе тулава стужку з надзеяй, што яна вернецца. Дзяўчынка знікае ў пячоры, а камера тым часам аддаляецца: гучыць немаўлячы плач, а два жаночыя галасы абмяркоўваюць нараджэнне дзяўчынкі; Свет Ценяў аказваецца ўвесь гэты час быў у жываце мамы.

Акцёры[правіць | правіць зыходнік]

Акцёр	Роля
Эва-Сафія Чарухіна	Дзяўчынка
Ганна Чарухіна	Мама
Канстанцін Чарухін	Тата
Мікіта Патапейка	Хлопчык
Кірыл Салееў	Цень
Ян Лысы	голас Ценю

Здымачная група[правіць | правіць зыходнік]

рэжысёр, сцэнарыст, аператар — Ян Лысы^[d]
гукарэжысёр — Кірыл Салееў
аўтары малюнкаў — Кацярына Патапейка, Мікіта Патапейка, Эва-Сафія Чарухіна, Іларыя Брэль
аўтар уступнай карціны — Вікторыя Кульваноўская
выканаўца песні — Нана Мускуры^[en]

Зноскі

↑ Выпускнік акадэміі мастацтваў зняў дзіцячы фільм на беларускай мове (бел.). Белсат (20 кастрычніка 2019). Архівавана з першакрыніцы 20 мая 2022. Праверана 20 мая 2022.
↑ Kraina plachu (англ.). Internet Movie Database. Праверана 23 студзеня 2024.
↑ Kraina plachu — Soundtracks (англ.). Internet Movie Database. Праверана 23 студзеня 2024.

Спасылкі[правіць | правіць зыходнік]

Краіна плачу на YouTube
Краіна плачу на сайце «Internet Movie Database» (англ.)
Краіна плачу на сайце «Кинориум^[d]»

[Belsat-1] Выпускнік акадэміі мастацтваў зняў дзіцячы фільм на беларускай мове (бел.). Белсат (20 кастрычніка 2019). Архівавана з першакрыніцы 20 мая 2022. Праверана 20 мая 2022.

[Imdb-2] Kraina plachu (англ.). Internet Movie Database. Праверана 23 студзеня 2024.

[Imdb,_Soundtracks-3] Kraina plachu — Soundtracks (англ.). Internet Movie Database. Праверана 23 студзеня 2024.

[1]

[2]

[3]