Крывенскі лесапільны завод

Кры́венскі лесапільны завод — колішняе прадпрыемства, ва ўрочышчы Крывое каля маёнтка Раманаўка Рэчыцкага павета (цяпер в. Раманаўка, Нараўлянскі раён Гомельскай вобласці).

Дзейнічала ў 1908—1914 гадах. Належала «Таварыству распрацоўкі лесу». Вырабляла дошкі, брусы, фрызы з дрэва цвёрдых лісцевых парод. Мела паравы рухавік (40 к.с.). У 1913 годзе працавала 50 чалавек.

Літаратура

• Крывенскі лесапільны завод // Беларуская энцыклапедыя: У 18 т. Т. 8: Канто — Кулі / Рэдкал.: Г. П. Пашкоў і інш. — Мн. : БелЭн, 1999. — Т. 8. — 576 с. — 10 000 экз. — ISBN 985-11-0035-8. — ISBN 985-11-0144-3 (т. 8).