Крысціна Стэнбек

З Вікіпедыі, свабоднай энцыклапедыі
Крысціна Стэнбек
Род дзейнасці прадпрымальніца
Дата нараджэння 27 верасня 1977(1977-09-27) (46 гадоў)
Месца нараджэння Лонг-Айлэнд, Нью-Ёрк, ЗША
Грамадзянства Сцяг Швецыі Швецыя, Сцяг ЗША ЗША
Бацька Jan Stenbeck
Альма-матар Джорджтаўнскі ўніверсітэт
Узнагароды і прэміі

Медаль прадпрымальніцтва (2012)

Лагатып Вікісховішча Медыяфайлы на Вікісховішчы

Крысціна Мейвіл Стэнбек (шведск.: Cristina Mayville Stenbeck; нар. 27 верасня 1977, Нью-Ёрк) — шведска-амерыканская прадпрымальніца. Крысціна з'яўляецца асноўным уладальнікам і былым выканаўчым дырэктарам інвестыцыйнай кампаніі AB Kinnevik, адной з найбуйнейшых сямейных кампаній у Швецыі[1][2].

Раннія гады[правіць | правіць зыходнік]

Стэнбек нарадзілася ў Нью-Ёрке ў сям'і шведскага прамыслоўца і прадпрымальніка Яна Стэнбека і амерыканкі Мэрыл Маклеад[3]. Стэнбек вучылася ў школе Святога Андрэя ў штаце Дэлавэр, cкончыла Джорджтаўнскі ўніверсітэт са ступенню бакалаўра ў 2000 годзе[4].

Кар'ера[правіць | правіць зыходнік]

Крысціна Стэнбек пачала сваю бізнэс-кар'еру у 1997 годзе, пасля таго, як яна ўвайшла ў кіраванне Invik & Co, у той час фінансавай кампаніі-дачкі АВ Kinnevik. Стэнбек узяла на сябе кіраўніцтва кампаніяй у 2003 годзе, калі яна стала віцэ-старшынёй AB Kinnevik, пазней атрымаўшы статус старшыні у 2007 годзе[5].

У 2016 годзе яна пайшла з пасады старшыні AB Kinnevik, каб засяродзіцца на сваёй ролі галоўнага ўладальніка, надаючы асноўную ўвагу інвестыцыям, пераважна ў галіне інтэрнэт-камерцыі.

На працягу наступнага дзесяцігоддзя пасля 2003 года Стэнбек правяла паспяховыя змены ў AB Kinnevik. Яна таксама прадала перыферыйныя прадпрыемствы, для таго каб знізіць пазыковы ціск і павысіць празрыстасць кампаніі.

Пад яе кіраўніцтвам глабальная сетка AB Kinnevik пашырылася. У цяперашні час кампанія працуе ў больш чым 80 краінах у сферы сувязі, забаў, СМІ і электроннай камерцыі з такімі вядомымі брэндамі як Tigo, Tele2, Viasat і Zalando, якія ўваходзяць у склад фірмы.

У пачатку 2014 года яе прызначылі старшынёй праўлення інтэрнэт-крамы моднага адзення Zalando. У мае 2014 года Крысціна ўзяла на сябе ролю старшыні праўлення тэлекамунікацыйнага гіганта Millicom[6]. Яна таксама далучылася да знешніх саветаў дырэктараў Spotify і Babylon.

Стэнбек з'яўляецца членам праўлення фонду Reach for Change, які садзейнічае развіццю сацыяльнага прадпрымальніцтва і прадпрымальніцкай дзейнасці ў Афрыцы, Скандынавіі, Расіі і СНД.

Узнагароды і прэміі[правіць | правіць зыходнік]

У красавіку 2012 года Крысціна атрымала ўзнагароду Шведскага Каралеўскага патрыятычнага таварыства — бізнес-медаль "За выдатнае прадпрымальніцтва»[7], а ўжо ў лістападзе 2012 года яна атрымала прэмію "Залаты малаток" [8] за вядучую ролю ў якасці старшыні лістынгавай кампаніі.

Прыватнае жыццё[правіць | правіць зыходнік]

Стэнбек была замужам за брытанскім прадпрымальнікам Аляксандрам Фітцгібансам з верасня 2005 года. У яе тры дачкі і адзін сын. Доўгі час жыла ў Лондане, але ў 2015 годзе вырашыла пераехаць у Стакгольм[9].

Зноскі

  1. ↑ "Cristina Stenbeck axlar pappas mantel". DN.se. 13 May 2003. Retrieved 24 December 2013.
  2. ↑ "Cristina Stenbeck of Sweden's Kinnevik". Bloomberg. 24 June 2010. Archived from the original on 24 May 2013. Retrieved 24 December 2013.
  3. ↑ "Saving the family empire". Fokus. 18 April 2011. Retrieved 4 June 2014.
  4. ↑ "Cristina Stenbeck, Kinnevik – Winner of the 2012 Golden Gavel – Listed companies". GuldKlubban. 2012. Archived from the original on 24 December 2013. Retrieved 24 December 2013.
  5. ↑ "Beyond the family boardroom". Financial Times. 11 March 2012. Archived from the original on 16 February 2013. Retrieved 24 December 2013.
  6. ↑ "Millicom International Cellular: Millicom Annual General Meeting and Extraordinary General Meeting of Shareholders". Reuters. 27 May 2014. Archived from the original on 6 June 2014. Retrieved 4 June 2014.
  7. ↑ "Cristina Stenbeck får Näringslivsmedalj för framstående entreprenörskap". Cision.com. 25 April 2012. Archived from the original on 28 March 2014. Retrieved 23 December 2013.
  8. ↑ "Camfil Vice Chairman receives Swedish award". Camfil.com. Archived from the original on 28 March 2014. Retrieved 24 December 2013.
  9. ↑ "Cristina Stenbeck flyttar till Stockholm". Expressen. Retrieved 15 February 2016.
Узята з "https://be.wikipedia.org/w/index.php?title=Крысціна_Стэнбек&oldid=3825035"