Крысціянсё

Крысціянсё
Краіна	Данія
Каардынаты	55°19′12″ пн. ш. 15°11′16″ у. д.HGЯO
Першае згадванне	1684
Плошча	220 га;
Вышыня цэнтра	22 м
Водныя аб’екты	Балтыйскае мора
Афіцыйная мова	дацкая
Насельніцтва	103 чалавекі (2012)
Часавы пояс	UTC+2
Афіцыйны сайт	christiansoe.dk
	Крысціянсё на Вікісховішчы

Крысціянсё (дацк.: Christiansø) — востраў (22,3 га) і паселішча (часткова таксама займае суседні востраў Фрэдэрыксё, архіпелаг Эртхольмен) у паўднёва-заходняй частцы Балтыйскага мора. Уваходзіць у склад Даніі. Насельніцтва (2012 г.) - 103 чал.

Гісторыя[правіць | правіць зыходнік]

Крысціянсё на карце астравоў Эртхольмен

Крысціянсё было заснавана ў 1684 г. дацкім і нарвежскім каралём Хрысціянам V (1646 - 1699 гг.) як ваенная крэпасць і атрымала яго імя. У 1810 г. яе насельніцтва складала 810 чал. Акрамя ўмацаванняў і казарм у ёй мелася турма. У 1855 г. крэпасць была пакінута салдатамі з-за немэтазгоднасці яе выкарыстання.

У 1970 - 2003 гг. паселішча Крысціянсё ўваходзіла ў склад дацкага муніцыпалітэта Борнхальм, але пазней было выведзена з-пад муніцыпальнага падпарадкавання і абвешчана ўласнасцю дзяржавы Данія. Кіруецца міністэрствам абароны.

Інфраструктура[правіць | правіць зыходнік]

Насельніцтва Крысціянсё жыве на астравах Крысціянсё і Фрэдэрыксё, злучаных мостам. Асноўны занятак — абслугоўванне турыстаў. Сюды прыязджае некалькі дзясяткаў тысяч наведвальнікаў у год.

Паміж Крысціянсё і востравам Борнхальм маюцца паромныя пераправы. Тут няма аўтамабіляў, утрыманне сабак і іншых хатніх жывёлін забаронена.