Кібервёска

З Вікіпедыі, свабоднай энцыклапедыі
КібервёскаM:
Жанр фантастыка і камедыя
У галоўных
ролях
Краіна
Мова руская
IMDb ID 23805348
Афіцыйны сайт (руск.)

«Кібервёска» (руск.: Кибердеревня) — расійскі фантастычны камедыйны серыял. Заснаваны на вірусных відэароліках рускамоўнага YouTube-канала Birchpunk, створанага Сяргеем Васільевым у 2020 годзе[1].

Прэм’ера адбылася 23 верасня 2023 года на платформе «Кинопоиск»[2]. З 4 снежня 2023 года серыял паказваецца на тэлеканале ТНТ. Складаецца з 10 серый па 30 хвілін. «Кібервёска» стала другім самым рэйтынгавым серыялам у анлайн-кінатэатры «Кинопоиск» у 2023 годзе (пасля «Караля і Шута»)[3]. Праект атрымаў станоўчыя водгукі ў прэсе, у тым ліку шэраг выданняў уключыў яго ў свае спісы лепшых расійскіх серыялаў года.

Сюжэт[правіць | правіць зыходнік]

Будучыня. 2085 год. Двое маладых інжынераў, Мікалай Кулібін і Канстанцін Барагозін, выпрабоўваюць прыладу для перасялення розуму ў іншыя целы. Прылада не працуе як трэба, але яны вырашаюць заснаваць сумесную кампанію «Іжэўск Дайнемікс» па вытворчасці робатаў.

Праходзіць некалькі дзесяцігоддзяў. Выгнаны з кампаніі Мікалай становіцца фермерам і жыве з сям’ёй на Марсе[1][4]. Канстанцін стаў мільянерам і ўзначальвае карпарацыю «Іжэўск Дайнемікс», якая ў апошні час церпіць страты. Ён вырашае пачаць распрацоўкі мінерала «недаступнасці» на Марсе, але гэтаму перашкаджае ферма яго былога партнёра. Барагозін спрабуе выжыць Кулібіна з месца здабычы. Падчас сваркі выпадкова спрацоўвае прылада перасялення розуму, і Канстанцін аказваецца ў целе робата, а ў яго целе — прымітыўны розум робата на ўзроўні маленькага дзіцяці. Не ведаючы пра гэта, супрацоўнікі «Іжэўск Дайнемікс» вязуць і цела, і прыбор. Барагозін абяцае Кулібіну пакінуць у спакоі кіберферму, калі той зможа вярнуць яму цела. Мікалай дае яму мянушку «Рабагозін».

Двое былых сяброў вымушаныя дзейнічаць разам. Спрабуючы дабрацца да цела і прыбора, яны падарожнічаюць па Сонечнай сістэме, дзе кожная планета ўяўляе сабой сатырычнае абыгрыванне расійскіх рэалій: Плутон парадыруе шахцёрскія мястэчкі, на кольцах Сатурна знаходзіцца гіганцкі рынак, Цэрэра паказана як мілітарызаванае грамадства, якое марнуе ўсе рэсурсы на велізарную ракету і прапагандуе, што толькі тут жывуць «нармальныя людзі». У ходзе прыгод Канстанцін у целе робата спачатку паводзіць сябе як эгаіст, але, бачачы прыклад Мікалая, пачынае паступова выпраўляцца і праяўляць характар у складаных сітуацыях.

У паралельнай сюжэтнай лініі нясмелы і нерашучы намеснік Барагозіна Павел спрабуе кіраваць фірмай у сітуацыі, калі яго бос ператварыўся ў ідыёта. Паўлам псіхалагічна маніпулюе яго жонка-галаграма Галя, якая падштурхоўвае яго да рашучых дзеянняў. Дзякуючы яе радам, мужчыне ўдаецца стаць кіраўніком кампаніі, пры гэтым сама Галя становіцца ўсё больш незалежнай і хоча займець сабе фізічнае цела. Яшчэ адна паралельная сюжэтная лінія распавядае пра жонку і дачок Мікалая, якія абараняюць кіберферму ад «Іжэўск Дайнемікс» і перавабліваюць на свой бок робатаў-будаўнікоў.

У фінале Мікалай і робат-Барагозін нарэшце выкрадаюць цела Канстанціна і прыбор са штаб-кватэры кампаніі, спрабуючы перасяліць яго розум назад. Аднак у апошні момант Галя зрывае іх планы і з дапамогай хітрасці сама ўсяляецца ў цела Барагозіна, захапіўшы «Іжэўск Дайнемікс».

У ролях[правіць | правіць зыходнік]

Акцёр Персанаж
Сяргей Чыхачоў фермер Мікалай Кулібін
Сяргей Буруноў голас Рабагозіна
Рыгор Скрапкін Канстанцін Генадзевіч Барагозін, кіраўнік «Іжэўск Дайнемікс»
Вольга Жавакіна Надзя, жонка Мікалая
Маргарыта Сілаева Людка, малодшая дачка Мікалая
Улада Лукіна Марынка, старэйшая дачка Мікалая
Арцём Семакін Павел, намеснік Барагозіна
Алена Махава Галя, галаграфічная жонка Паўла
Барыс Эстрын Алег Варфаламеевіч, кіраўнік савета дырэктараў
Сяргей Фралоў Макар, шахцёр-вынаходнік
Валерыя Рэпіна Верачка, сакратар Барагозіна
Яфім Банчык Іваныч, прараб
Марыя Мікалаева Аня, правадніца
Рэнат Мухамбаеў Васіль, картачны шулер
Руслан Ягудзін начальнік цягніка
Кацярына Васільева і Зоя Мансурава маці Барагозіна

Вытворчасць[правіць | правіць зыходнік]

Калі выйшаў першы ролік Birchpunk, камандзе паступіла досыць вялікая колькасць прапаноў на стварэнне серыяла. Але паколькі некалькі праектаў рэжысёр Сяргей Васільеў, будучы мастаком па візуальным эфектам, распрацоўваў з Валерыем Фёдаравічам і Яўгенам Нікішавым, і ведаў іх падыход — крэатыўны, творчы, смелы — гэта заахвоціла каманду працаваць над стварэннем серыяла менавіта з імі[5]. Галоўнай складанасцю было разгортванне сцэнара з кароткаметражак да доўгага праекта на некалькі серый. У каманды не было такога досведу. Падчас работы напісана парадку 50 чарнавікоў сцэнара. У стварэнні сюжэта дапамагалі вопытныя сцэнарысты — Дзмітрый Няўзораў і Мікіта Лундзін, і прадзюсары — Валерый Фёдаравіч і Яўген Нікішоў[5].

Здымкі праходзілі ў некалькіх месцах, сярод іх: Камчатка, пасёлак Бархан, пасёлак Ключы, Камызяк, а таксама сяло Кісьва[6][7].

У снежні быў анансаваны спецыяльны пераднавагодні прыквел, які выйшаў на сэрвісе «Кинопоиск» 23 снежня 2023 года[8].

Водгукі і ацэнкі[правіць | правіць зыходнік]

Кінажурналіст Максім Яршоў адзначыў выдатную кампутарную графіку[9]. Кінакрытык Алена Зархіна, праглядзеўшы першыя два эпізоды, дала станоўчую ацэнку серыялу, але напісала, што «судзіць аб праекце ў цэлым па двух прадстаўленым серыям складана, але здаецца, што састыкоўка арыгінальнага аўтарскай задумы і цікавасці гледачоў прайшла паспяхова»[10]. На думку кінааглядальніка Алены Фаміной, у серыяла «ёсць усе шанцы ўзляцець на крылах постмадэрну і панесціся ў край народнага кіно»[11].

У сваю чаргу Сяргей Яфімаў у рэцэнзіі «Камсамольскай праўдзе» крытыкуе серыял за сцэнарную пошласць і робіць выснову: «вульгарнае месіва, якое нічога не кажа чалавеку пра чалавека — гэта значыць гледачу пра яго самога»[12].

У аглядзе для выдання «Фонтанка» Мацвей Пірагоў параўнаў «Кібервёску» па духу і атмасферы з серыялам «Унутры Лапенка»[13].

На думку крытыка Міхаіла Кабо, вобразы ў серыяле адсылаюць да фільмаў «Каханне і галубы», «Белае сонца пустыні» і «Кін-дза-дза!»[1]. Таксама абыгрываецца ідэя касмічнага ліфта. Прысутнічаюць алюзіі на раман «Дзюна»[14].

Па выніках года многія расійскія выданні ўключылі «Кібервёску» ў свае спісы лепшых серыялаў 2023 года (расійскіх або ў цэлым), у тым ліку «Афиша»[15], «Канобу»[16], «Кино-театр.ру»[17], РБК[18] і часопіс «Тинькофф»[19]. Часопіс «Мир фантастики» назваў праект лепшым серыялам года[20].

Літаратура[правіць | правіць зыходнік]

  • Горшунова А.С. Виртуальные миры канала Birchpunk глазами зрителей(руск.) // Актуальные проблемы лингвистики и литературоведения. Сборник материалов Международной научной конференции, посвященной памяти профессора Л.А. Араевой : статья в сборнике трудов конференции. — Москва: Государственный институт русского языка имени А. С. Пушкина, 2022. — ISBN 978-5-98269-279-5.

Заўвагі[правіць | правіць зыходнік]

  1. ↑ а б в Михаил Кабо. На Кинопоиске вышла «Кибердеревня» — сериал, выросший из мема. Meduza (26 верасня 2023).
  2. ↑ Арина Федорова. "Кибердеревня" стала самой популярной комедией года на Кинопоиске (руск.). Российская газета. Российская газета (27 лістапада 2023). Праверана 28 лістапада 2023.
  3. ↑ [1]
  4. ↑ Анна Нехаева. Ферма на Марсе: как в сериале «Кибердеревня» удачно соединились роботы и ностальгия. Forbes.
  5. ↑ а б Алина Циопа. Создатель «Кибердеревни»: «Я за то, чтобы фантастика двигала человечество и науку вперед» (руск.). fontanka.ru. Фонтанка.ру (20 верасня 2023). Праверана 2 кастрычніка 2023.
  6. ↑ Где снимали Кибердеревня, 2023. wherefilmed.org. Праверана 16 кастрычніка 2023.
  7. ↑ Актерская Курилка (26.10.2023).
  8. ↑ К сериалу «Кибердеревня» выйдет специальный новогодний приквел — Игромания (руск.). Igromania.ru. Праверана 18 снежня 2023.
  9. ↑ Максим Ершов. Film.ru-Рецензия на сериал Кибердеревня (руск.). Film.ru. Фильм.ру (23 верасня 2023). Праверана 27 верасня 2023.
  10. ↑ Елена Зархина. «Кибердеревня»: Рецензия Киноафиши (руск.). kinoafisha.info (19 верасня 2023). Праверана 27 верасня 2023.
  11. ↑ Елена Фомина. «Кибердеревня»: смотреть или нет сериал про марсианского фермера (руск.). РБК (26 верасня 2023). Праверана 27 верасня 2023.
  12. ↑ Сергей Ефимов. И на Марсе будут фермеры цвести: русское будущее в сериале «Кибердеревня» (руск.). Комсомольская правда (26 верасня 2023). Праверана 27 верасня 2023.
  13. ↑ Каким вышел у «Кинопоиска» сериал «Кибердеревня» по проекту birchpunk на YouTube — дата премьеры, отзыв, кого цитирует - 19 сентября 2023 - Фонтанка.Ру
  14. ↑ Елена Кушнир. Марсианская пустыня в Астраханской области: создатель проекта Birchpunk Сергей Васильев — о сериале «Кибердеревня» и России будущего. Нож (22 верасня 2023).
  15. ↑ https://daily.afisha.ru/cinema/26578-15-luchshih-rossiyskih-serialov-2023-goda/
  16. ↑ Лучшие российские сериалы 2023 года: топ вышедших новинок с высоким рейтингом | Канобу (руск.). Kanobu.ru. Праверана 7 студзеня 2024.
  17. ↑ Лучшие российские сериалы 2023 года. Выбор критиков. Кино-Театр.Ру (25 снежня 2023). Праверана 7 студзеня 2024.
  18. ↑ 20 лучших российских сериалов 2023 года. Самые громкие премьеры. РБК Life. Праверана 7 студзеня 2024.
  19. ↑ Лучшие сериалы 2023 года (руск.). Тинькофф Журнал (29 снежня 2023). Праверана 7 студзеня 2024.
  20. ↑ Лучшие сериалы 2023 года: фантастика, фэнтези и супергерои (и лучшие российские сериалы тоже здесь!) | Сериалы | Мир фантастики и фэнтези (руск.). Мир фантастики и фэнтези | Мир фантастики, фэнтези, фильмов и geek-культуры (4 студзеня 2024). Праверана 7 студзеня 2024.

Спасылкі[правіць | правіць зыходнік]

Узята з "https://be.wikipedia.org/w/index.php?title=Кібервёска&oldid=4695039"