Леандэр Энгстром

Леандэр Энгстром
шведск.: Leander Engström
Імя пры нараджэнні	шведск.: Per Leander Engström
Род дзейнасці	мастак
Дата нараджэння	27 лютага 1886(1886-02-27)
Месца нараджэння	Ytterhogdal[d], камуна Херьедален, лен Емтланд, Швецыя
Дата смерці	6 лютага 1927(1927-02-06)[…] (40 гадоў)
Месца смерці	Оскар, Швецыя
Месца пахавання	Лясныя могілкі
Грамадзянства	Швецыя
Дзеці	Kjell Leander Engström[d]
Медыяфайлы на Вікісховішчы

Пер Леандэр Энгстром (швед. Per Leander Engström; 27 лютага 1886, Ітэрхагдал — 6 лютага 1927, Оскар) — шведскі мастак, які спецыялізаваўся на партрэтах і пейзажах, якія паказваюць пустынныя месцы Нарланда.

Біяграфія

Энгстром нарадзіўся ў 1886 годзе ў Ітэрхагдале, Швецыя. Наведваў пачатковую школу ў Люстарпе, пазней яго сям’я пераехала ў Сундсваль, дзе ён працаваў на лесапільні да чатырнаццаці гадоў. У 1901 годзе ён працаваў памочнікам у мясцовай газеце і далучыўся да групы мастакоў-аматараў пад кіраўніцтвам Хельмера Аслунда.

Дзякуючы фінансавай падтрымцы Карла Нордстрома, Энгстром змог пачаць навучанне ў школе Асацыяцыі мастакоў (Konstnärförbundets skola), з 1907 па 1908 год, а затым адправіўся ў Парыж, дзе браў урокі ў Анры Маціса. Ён заставаўся там да 1912 года. Вярнуўшыся ў Швецыю, ён стаў адным з першых чальцоў групы мастаком пад назвай De unga («Маладыя»), якая выкарыстоўвала экспрэсіянісцкую тэхніку да шведскіх матываў. У 1914 годзе ён з поспехам удзельнічаў у Балтыйскай выставе.

Большую частку свайго жыцця Леандэр Энгстром падарожнічаў і маляваў у гарах паўночнай Швецыі. Адным з яго любімых мясцін быў Абіску, дзе ён таксама пабудаваў сабе дом. За год да сваёй смерці Леандэр Энгстром арганізаваў перасоўную выставу ўздоўж узбярэжжа Нарланда. Некалькі гадоў у пачатку 1920-х гадоў ён правёў у Італіі, жывучы ў Фларэнцыі з 1920 па 1923 год. Там ён знайшоў новае натхненне і новы свет матываў. У гэты ж час ён напісаў некалькі столевых карцін у тэатры «Skandia-Teatern» у Стакгольме.

У 1913 годзе ён ажаніўся з Марыяй Эдлунд, і ў наступным годзе ў іх нарадзіліся сыны-двайняты, К’ел Леандэр і Торд Леандэр, абодва сталі мастакамі.

Пахаваны на могілках Лясныя могілкі.