Лявон Богуш

Лявон Богуш
Дата нараджэння	6 студзеня 1909(1909-01-06)
Дата смерці	18 лютага 1957(1957-02-18) (48 гадоў)
Месца смерці	Беласток, Беластоцкае ваяводства, Польская Народная Рэспубліка
Месца пахавання	Праваслаўныя могілкі ў Беластоку
Член у	Беларускі камітэт (Беласток)

Лявон Богуш (6 студзеня 1909 — 18 лютага 1957, Беласток) — заходнебеларускі грамадска-культурны дзеяч.

Біяграфія

У 1927 годзе браў удзел у стварэнні драматычнай секцыі Таварыства беларускай школы ў Беластоку.

У 1937 быў у ліку заснавальнікаў беластоцкага Кааператыўнага таварыства працаўнікоў беларускага тэатра «Полымя».

У пачатку нямецкай акупацыі ў 1941 спрабаваў стварыць у Беластоку беларускі тэатр. Правёў рэгістрацыю тэатральных і эстрадных беларускіх працаўнікоў. Працаваў з артыстамі, каб з часам адкрыць тэатр. Аднак цяжкія матэрыяльныя ўмовы і адсутнасць залы прывялі да прыпынення работы.

У пачатку 1942 года з атрыманнем магчымасці ладзіць канцэрты ў невялікай зале тэатральнае аб’яднанне зноў пачало працу. Кіраўніком аб’яднання з’яўляўся Лявон Богуш. Ставіліся камедыі «Збянтэжаны Саўка» і «Конскі партрэт» Леапольда Родзевіча, «Паўлінка» Янкі Купалы, драма «Цені» Францішка Аляхновіча.

Працаваў у Беларускім камітэце ў Беластоку, дзе таксама быў салістам у хоры, які дзейнічаў пры ім.

Пахаваны на праваслаўных могілках парафіі Усіх Святых у Беластоку.

Спасылкі

• На Вікісховішчы пакуль няма медыяфайлаў па тэме, але Вы можаце загрузіць іх
• Як разгаралася і патухала «Полымя» (нявызн.).
• Дубоўская, Т. А. Беларускія тэатральныя аматарскія калектывы на акупіраваных землях у 1941-1943 гг. / Т. А. Дубоўская // Чалавек і культура: праблемы гармоніі : зборнік навуковых артыкулаў аспірантаў / Беларускі дзяржаўны універсітэт культуры і мастацтваў. - Мінск, 2004. - 59 с. (нявызн.).
• Komitet Białoruski w Białymstoku (нявызн.).
• У Беластоку знойдзены магілы заходнебеларускіх дзеячаў (нявызн.)(недаступная спасылка). Архівавана з першакрыніцы 1 сакавіка 2021.
• Cmentarz w Białymstoku. Leonid Bogusz (нявызн.).