Ліберац

Горад
Ліберац
Liberec
Сцяг Герб
50°45′52″ пн. ш. 15°02′49″ у. д.
Краіна	Чэхія
Край	Ліберацкі край
Раён	Ліберацкі
Прыматар	Ян Корытарж
Гісторыя і геаграфія
Заснаваны	1352
Першая згадка	1348
Ранейшыя назвы	Рэйхенберг
Плошча	106,1 км²
Вышыня цэнтра	374 м
Водныя аб’екты	Ныса-Лужыцка
Часавы пояс	UTC+1, летам UTC+2
Насельніцтва
Насельніцтва	97 400 чалавек (2005)
Лічбавыя ідэнтыфікатары
Тэлефонны код	+420 48
Паштовы індэкс	460 01
Аўтамабільны код	L (старыя LB, LI)
liberec.cz
Паказаць/схаваць карты
Ліберац
Медыяфайлы на Вікісховішчы

Ештэдская тэлевізійная вежа

Лі́берац (чэшск.: Liberec), былы Райхенберг (ням.: Reichenberg) — горад у Чэхіі, на рацэ Ныса-Лужыцка, адміністрацыйны цэнтр Ліберацкага края і Ліберацкага раёна.

Насельніцтва 97,7 тыс. жых. Тэлефонны код: (420)48.

Гісторыя

Горад упершыню згадваецца ў дакументах у 1348 годзе.

У 1579 годзе ў горадзе заснавана тэкстыльная мануфактура, аднак развіццю прамысловасці перашкодзіла Трыццацігадовая вайна. З 1622 года па 1634 год горад быў уладаннем Альбрэхта фон Валенштэйна, пасля смерці якога належаў роду Галас і Клам Галас.

Падчас Сямігадовай вайны ў 1757 годзе недалёка ад горада адбыўся бой пры Рэйхенбергу.

Росквіт горада прыйшоўся на канец XIX стагоддзя. Да гэтага часу адносяцца шматлікія гарадскія пабудовы, у тым ліку ратуша, будынак Оперы, Музей Паўночнай Чэхіі. На ўзгорках вышэй гістарычнага цэнтра горада пабудаваны будынкі ў стылі рамантызму.

У XIX—XX стагоддзях горад меў значную нямецкую абшчыну. Ліберац (Райхенберг) быў цэнтрам нацысцкай Судэцкай Германіі.

Эканоміка

Важны цэнтр тэкстыльнай прамысловасці (ваўняныя, шаўковыя, баваўняныя тканкі). Машынабудаванне (вытворчасць абсталявання для тэкстыльнай прамысловасці, аўтамабілебудаванне — «Ліберацкі аўтамабільны завод»). Праводзяцца тэкстыльныя кірмашы.

Транспарт

Ліберац злучаны з суседнім Ябланцам трамвайный лініяй.

Культура

Нацыянальная навуковая бібліятэка (у новым будынку, пабудаваным у 2000 годзе).

Ратуша Ліберца (Райхенберга)

Славутасці

Знакаміты ратушай (1893 год, вышыня — 65 метраў); царквой Святога Распяцця ў стылі барока; тэлевежай на гары Ештэд, пабудаванай у 1968 годзе і якая з'яўляецца цяпер сімвалам горада; карціннай галерэяй. Маецца заапарк — адзін з найбольш вядомых у Еўропе. Найбуйнейшы ў краіне гандлёва-забаўляльны цэнтр «Вавілон».

Спорт

У 2009 годзе ў Ліберацы прайшоў чэмпіянат свету па лыжных відах спорту і міжнародны моладзевы кангрэс эсперанта.

Насельніцтва

Год	1869	1880	1890	1900	1910	1921	1930
Насельніцтва	50 252	60 198	68 135	79 470	89 312	84 845	95 623
Год	1950	1961	1970	1980	1991	2001	2010
Насельніцтва	69 663	78 193	84 046	95 924	101 162	99 102	105 077

Гарады-пабрацімы

•  Аўгсбург, Германія (2001)
•  Дзюнкерк, Францыя
•  Каўроў, Расія
•  Санкт-Гален, Швейцарыя
•  Цытау, Германія

Гл. таксама

• Судэтэнланд

Спасылкі

• Гарадскі афіцыйны сайт Архівавана 9 чэрвеня 2010.
• Вэб-камера г. Ліберац