Лілія Рыгораўна Батырава

Дадаць спасылкі
З Вікіпедыі, свабоднай энцыклапедыі
Лілія Рыгораўна Батырава
Дата нараджэння 15 чэрвеня 1935(1935-06-15) (88 гадоў)
Месца нараджэння
Грамадзянства
Месца працы
Альма-матар
Узнагароды і прэміі

Лілія Рыгораўна Батырава (нар. 15 чэрвеня 1935, Мінск, БССР) — беларускі музычныпедагог, ганаровы грамадзянін г. Брэста (2015).

Біяграфія[правіць | правіць зыходнік]

Займалася ў малодшай групе балетнай школы пры тэатры оперы і балета. Бацька ў першыя дні Вялікай Айчыннай вайны пайшоў на фронт, згінуў без вестак. Увесь час вайны пражыла з маці, Казімірай Вітольдаўнай, у Мінску, іх дом быў разбомблены яшчэ на пачатку вайны. У апошнія дні вайны немцы тысячы мінчан пагрузілі ў вагоны і павезлі ў Германію, але цягнік дайшоў толькі да Брэста, зняволеныя дачакаліся Чырвоную армію.

Пасля вызвалення Беларусі маці з дачкой засталіся ў Брэсце. Тут Лілія скончыла агульнаадукацыйную і музычную школы. Яе першай настаўніцай музыкі была выдатны педагог Яўгенія Міхайлаўна Дабратворская, выпускніца Пецярбургскай кансерваторыі, заслужаны настаўнік БССР (1955).

У 1955 годзе скончыла Брэсцкае музычнае вучылішча, у якім пачала працаваць выкладчыкам па класе фартэпіяна і канцэртмайстрам. Скончыла Беларускую дзяржаўную кансерваторыю імя А. В. Луначарскага (1964). За гады сваёй працы ў Брэсцкім музвучылішчы падрыхтавала больш за 200 спецыялістаў, сярод якіх лаўрэаты і дыпламанты міжнародных і рэспубліканскіх конкурсаў і фестываляў.

У 1969—1987 гадах ўзначальвала народны ўніверсітэт культуры, у якім развіваліся мастацкі, музычны, танцавальны, літаратурны і іншыя кірункі творчасці, арганізоўвала творчыя сустрэчы, канцэрты многіх вядомых музыкантаў і спевакоў. З 1992 года з’яўляецца старшынёй Брэсцкага абласнога музычнага таварыства і членам праўлення Беларускага саюза музычных дзеячаў. Шмат гадоў удзельнічала ў журы міжнароднага конкурсу вакалістаў «Belcanto» (Польшча).

Па ініцыятыве Л. Р. Батыравай у Брэсце з 1988 года штогод праводзіцца міжнародны фестываль класічнай музыкі «Студзеньскія музычныя вечары», яна з’яўляецца яго нязменным дырэктарам і мастацкім кіраўніком. Таксама па яе ініцыятыве праводзіцца «Берасцейскі баль», прымеркаваны да Дня горада, у 2015 годзе адбыўся І Міжнародны конкурс маладых піяністаў, прысвечаны памяці народнага артыста СССР С. Т. Рыхтэра.

Узнагароды[правіць | правіць зыходнік]

Заслужаны дзеяч мастацтваў Рэспублікі Беларусь (2011), заслужаны дзеяч культуры Польшчы (2008). Лаўрэат спецыяльнай прэміі Прэзідэнта Рэспублікі Беларусь «За развіццё міжнародных культурных сувязей» (2000), лаўрэат прэміі Фонду Ірыны Архіпавай з уручэннем Сярэбранага медаля Фонду. Узнагароджана медалямі Францыска Скарыны (2008) і «Преподобная Евфросиния игумения Полоцкая», спецыяльным знакам Міжнароднага саюза музычных дзеячоў (2007), нагрудным знакам Міністэрства культуры Рэспублікі Беларусь «За ўклад у развіццё культуры Беларусі».

Рашэннем Брэсцкага гарадскога Савета дэпутатаў ад 16 ліпеня 2015 года Л. Р. Батыравай за шматгадовую плённую творчую работу па музычным навучанні і выхаванні моладзі, падрыхтоўку кваліфікаваных спецыялістаў, вялікую грамадска-культурную дзейнасць, значны ўклад у развіццё і прапаганду беларускага музычнага мастацтва прысвоена званне «Ганаровы грамадзянін горада Брэста».

Зноскі

Літаратура[правіць | правіць зыходнік]

  • Батырева Лилия Григорьевна // Брест. Брэст. Brest. 1000 : энциклопедия / сост. А. Н. Вабищевич. Минск, 2019. С. 74.
  • Жабинский, Р. А. Брестский музыкальный колледж: история и современность / Р. А. Жабинский. — Брест : Альтернатива, 2011. — 248 с. : ил.
  • Частная коллекция Лилии Батыревой : презентация выставки-коллекции 25 июля 2008 г. : [платки председателя Брестского областного Музыкального общества] / Управление культуры Брестского облисполкома. — Брест : Брестская типография, 2008. — 18 с. : ил.
  • Батырава, Л. Р. Брэсцкае абласное музычнае таварыства / Л. Р. Батырава // Памяць. Брэст : гіст.-дакум. хроніка : у 2 кн. Мінск, 2001. Кн. 2. С. 589.
Узята з "https://be.wikipedia.org/w/index.php?title=Лілія_Рыгораўна_Батырава&oldid=4016212"