Беларуская дзяржаўная акадэмія музыкі

Беларуская дзяржаўная акадэмія музыкі (БДАМ)
Заснаваны	1932
Размяшчэнне	Беларусь, Мінск вул. Інтэрнацыянальная, 30
Юрыдычны адрас	220116, Рэспубліка Беларусь, Мінск
Узнагароды
Сайт	bgam.edu.by
Выявы па тэме на Вікісховішчы

Беларуская дзяржаўная акадэмія музыкі — вышэйшая музычна-педагагічная навучальная ўстанова і навуковы цэнтр музыказнаўства, фалькларыстыкі, эстэтыкі, музычнай педагогікі ў г. Мінску. Заснавана ў 1932 годзе, да 1992 г. — Беларуская дзяржаўная кансерваторыя імя А. В. Луначарскага.

У 2000 годзе Беларускай Акадэміі музыкі быў прысвоены статус вядучага ВНУ нацыянальнай сістэмы адукацыі ў вобласці музычнага мастацтва.

Будынак

Будынак акадэміі музыкі ўзведзены ў 1958 г. з цэглы па праеце архітэктара Рамана Гегарта. Чатырохпавярховы, складанай канфігурацыі ў плане, сіметрычны аб'ём. Галоўны фасад з парадным уваходам вылучаны чатырохкалонным порцікам з трохвугольным франтонам. Бакавыя крылы Г-падобныя ў плане. Аконныя праёмы прамавугольныя і арачныя. Сцяна паміж 2-м і 3-м паверхамі падзелена карнізам на 2 ярусы, якія апрацаваны пілястрамі, завершаны антаблементам. Ніжні ярус дэкарыраваны рустам. У цэнтры будынка на галоўнай восі — парадны вестыбюль, фае і канцэртная зала на 800 месцаў, у бакавых крылах размешчаны класы, аўдыторыі, кабінеты. У архітэктуры будынка выкарыстаны элементы класіцызму.

Структура ВНУ

Корпус на рагу вуліц Чычэрына і Камуністычнай

У склад Акадэміі ўваходзяць:

• 5 факультэтаў
• 24 кафедры

Магілёўскі філіял Беларускай дзяржаўнай акадэміі музыкі

• Магілёўскі філіял
• оперная студыя
• кабінет народнай музыкі
• Праблемная навукова-даследчая лабараторыя музыкі

Філіялы кафедраў

• Гродна
• Брэсце
• Гомелі
• Віцебску
• Маладзечна

Рэктары

• (1932—1933) — М. П. Казакоў
• (1933—1934) — Я. П. Прыс
• (1934—1936) — Канстанцін Міхайлавіч Багушэвіч
• (1937—1938) — Оскар Абрамавіч Гантман
• (1938—1941) — Міхаіл Аркадзевіч Бергер
• (1944—1948) — Мікалай Ільіч Аладаў
• (1948—1962) — Анатоль Васільевіч Багатыроў
• (1962—1982) — Уладзімір Уладзіміравіч Алоўнікаў
• (1982—1985) — Ігар Міхайлавіч Лучанок
• (1985—2005) — Міхаіл Антонавіч Казінец
• (2005—2010) — Аляксандр Фёдаравіч Рашчупкін
• (з 2010) — Кацярына Мікалаеўна Дулава

Выбітныя выпускнікі

• Анатоль Багатыроў — кампазітар, заснавальнік сучаснай беларускай кампазітарскай школы, прафесар Беларускай дзяржаўнай акадэміі музыкі, народны артыст Беларусі
• Барбара Іванаўна Вержбаловіч — беларуская оперная і канцэртная спявачка (мецца-сапрана)
• Уладзімір Дамарацкі — кампазітар, лаўрэат Дзяржаўнай прэміі Беларусі
• Пётр Падкавыроў — кампазітар, заслужаны дзеяч мастацтваў Беларускай ССР
• Васіль Яхімаў- беларускі кампазітар, [[харавы дырыжор, педагог, заслужаны дзеяч мастацтваў Беларусі
• Міхаіл Крошнер — кампазітар, заслужаны артыст Беларускай ССР
• Мікалай Аладаў — кампазітар, педагог, народны артыст Беларускай ССР
• Уладзімір Алоўнікаў — беларускі кампазітар
• Яўген Глебаў — беларускі кампазітар, народны артыст СССР
• Сяргей Картэс — беларускі кампазітар
• Барыс Магаліф — кампазітар, музычны педагог, паэт, кінаактор
• Ігар Лучанок — беларускі кампазітар, народны артыст СССР
• Дзмітрый Смольскі — беларускі кампазітар, бацька гітарыста і кампазітара Віктара Смольскага
• Андрэй Мдзівані — беларускі кампазітар, заслужаны дзеяч мастацтваў Беларусі
• Галіна Гарэлава — беларускі кампазітар
• Вячаслаў Кузняцоў — беларускі кампазітар
• Васіль Раінчык — беларускі кампазітар
• Ядвіга Паплаўская — беларуская спявачка, удзельніца першага складу гурта «Верасы»
• Алег Елісеенкаў — беларускі кампазітар
• Уладзімір Барзоў — паэт, беларускі кампазітар і выканаўца ўласных песень. Пераможца Грушынскага фестывалю (1979). Аўтар дыскаў «Восеньскі сад» (2005), «Дзіўная гутарка» (2007).
• Алег Хадоска — беларускі кампазітар.
• Іосіф Абраміс — галоўны дырыжор Дзяржаўнага тэатра музычнай камедыі БССР
• Алег Сонін — беларускі кампазітар.
• Віктар Войцік — беларускі кампазітар.

Выбітныя выкладчыкі

• Васіль Залатароў — кампазітар і педагог, заслужаны артыст РСФСР, вучань М. А. Рымскага-Корсакова, прафесар
• Міхаіл Казінец — дырыжор
• Ганна Зелянкова — харавы дырыжор
• Міхаіл Дрынеўскі — харавы дырыжор
• Віталь Катаеў — дырыжор
• Валерый Шацкі — піяніст
• Ігар Алоўнікаў — піяніст
• Юрый Гільдзюк — піяніст
• Яўген Гладкоў — выканаўца на народных інструментах
• Галіна Асмалоўская — выканаўца на народных інструментах
• Мікалай Сеўрукоў — выканаўца на народных інструментах
• Тамара Ніжнікава — вакалістка
• Ірына Шыкунова — вакалістка
• Людміла Колас — вакалістка
• Віктар Скарабагатаў — вакаліст
• Уладзімір Будкевіч — выканаўца на духавых інструментах
• Генадзь Забара — выканаўца на духавых інструментах
• Віктар Роўда — дырыжор-хормайстар, загадчык кафедры харавога дырыжавання 1963—2007 г.
• Уладзімір Бегуноў — кларнетыст, заслужаны дзеяч мастацтваў Беларусі, кандыдат філасофскіх навук, доктар культуралогіі, прафесар.
• Антон Пятровіч Баначыч

Мастацкія калектывы Акадэміі

• сімфанічны аркестр «Маладая Беларусь»
• камерны аркестр «Gradus ad Parnassum»
• аркестр духавых інструментаў «Фанфары Беларусі»
• аркестр рускіх народных інструментаў
• аркестр беларускіх народных інструментаў
• акадэмічны канцэртны хор
• ансамбль духавых інструментаў «Інтрада»
• ансамбль духавых інструментаў «Сірынкс»

Міжнародныя сувязі

Супрацоўніцтва з міжнародных арганізацыямі

• Міжнародная рада па музычнай адукацыі
• Еўрапейская асацыяцыя кансерваторый, акадэмій і вышэйшых школ музыкі
• Еўрапейская арганізацыя фартэпіянных педагогаў
• Сусветная асацыяцыя цымбалістаў

Замежныя ВНУ, з якімі складзеныя двухбаковыя дагаворы

• Маскоўская дзяржаўная кансерваторыя імя П. І. Чайкоўскага
• Санкт-Пецярбургская дзяржаўная кансерваторыя імя М. А. Рымскага-Корсакова
• Казанская дзяржаўная кансерваторыя імя М. Г. Жыганава
• Літоўская акадэмія музыкі і тэатра
• Эстонская акадэмія музыкі і тэатра
• Акадэмія музыкі імя Ф. Шапэна ў Варшаве,
• Акадэмія музыкі імя К. Ліпіньскага ва Уроцлаве,
• Кансерваторыя ў горадзе Ухані (адміністрацыйны цэнтр правінцыі Хубэй, КНР)
• Універсітэт у горадзе Чжэнчжоу (адміністрацыйны цэнтр правінцыі Хэнань, КНР)
• Універсітэт у горадзе Кайфын (правінцыя Хэнань, КНР)

Міжнародныя конкурсы, якія арганізуюцца Акадэміяй

• Конкурс піяністаў, выканаўцаў на народных інструментах імя І. Жыновіча
• Конкурс струнных смычковых інструментаў імя М. Ельскага і інш.)

Спасылкі

• На Вікісховішчы ёсць медыяфайлы па тэме Беларуская дзяржаўная акадэмія музыкі
• Афіцыйны сайт БДАМ