Ліяна Іванаўна Азаранка

Ліяна Іванаўна Азаранка
Дата нараджэння	25 мая 1938(1938-05-25)
Месца нараджэння	Горацкі раён, Магілёўская вобласць, БССР, СССР
Дата смерці	13 жніўня 2006(2006-08-13) (68 гадоў)
Грамадзянства	БССР  Расія
Род дзейнасці	мастачка
Жанр	тэматычная карціна, партрэт
Вучоба	Мінскі індустрыяльны тэхнікум[d] (1957) Смаленскі дзяржаўны педагагічны інстытут (1966)
Мастацкі кірунак	рэалізм

Ліяна Іванаўна Азаранка (25 мая 1938, вёска Шарыпы, Горацкі раён, Магілёўская вобласць — 13 жніўня 2006) — савецкі мастак-жывапісец.

Біяграфія

У 1957 годзе скончыла Мінскі індустрыяльны тэхнікум па спецыяльнасці «тэхнік-геолаг». У 1966 годзе скончыла мастацка-графічны факультэт Смаленскага дзяржаўнага педагагічнага інстытута імя К. Маркса. Удзельнічала ў мастацкіх выстаўках з 1967 года. З 1966 па 1968 гады выкладала ў Каргопальскім педагагічным вучылішчы. З 1968 па 1984 гады працавала выкладчыкам жывапісу дзіцячай мастацкай школы ў Смаленску. У 1980 годзе ўступіла ў Саюз мастакоў СССР (з 1991 года — Саюз мастакоў Расіі). У 1981 годзе была ўзнагароджана Дыпломам Савета Міністраў РСФСР «За ўдзел у V занальнай мастацкай выстаўцы». З 1991 год працавала ў Доме творчасці «Байкал».

Творы Ліяны Азаранка захоўваюцца ў Смаленскім музеі-запаведніку, у прыватных калекцыях Расіі, Беларусі, Германіі, Кіпра.

Літаратура

• Святлана Строгіна. Сучаснае выяўленчае мастацтва Магілёўшчыны. — Мінск: ТАА «Белпрынт», 2009. — С. 10. — 240 с. — ISBN 978-985-459-139-1.