Магілёўская гарадская СДЮШАР «Багіма» імя А. Р. Мішчанкі

Магілёўская гарадская СДЮШАР «Багіма» імя А. Р. Мішчанкі
Заснавана	1 студзеня 1973
Тып	дзіцяча-юнацкая спартыўная школа[d]
Адрас	Магілёў, вул. Крупскай, 137-1
Сайт	bagima.by

Магілёўская гарадская СДЮШАР «Багіма» імя А. Р. Мішчанкі — дзяржаўная ўстанова Міністэрства спорту і турызму Рэспублікі Беларусь, якая размяшчаецца ў г. Магілёве.

Гісторыя

Спецыялізаваная дзіцяча-юнацкая спартыўная школа алімпійскага рэзерву № 6 была заснавана 1 студзеня 1973 года.

У 1978 годзе было адкрыта аддзяленне акрабатыкі, а ў 1982 годзе — аддзяленне скачкоў на батуце.

У 2005 годзе СДЮШАР № 6 была рэарганізавана ў дзяржаўную спецыялізаваную вучэбна-спартыўную ўстанову «Магілёўская гарадская спецыялізаваная дзіцяча-юнацкая спартыўная школа алімпійскага рэзерву „Багіма“».

Будынкі

Палац архіепіскапа Станіслава Богуш-Сестранцэвіча

Асноўны артыкул: Архіепіскапскі палац (Магілёў)

Аддзяленне мастацкай гімнастыкі да 2020 года знаходзілася на вуліцы Ленінскай, 25. Гэты будынак з’яўляецца гісторыка-культурнай каштоўнасцю як помнік архітэктуры класіцызму. Ён быў пабудаваны ў 1780-х гадах як палац архіепіскапа. Паколькі будынак не рэкамендаваны спецыялістамі для заняткаў спортам і не адпавядае міжнародным стандартам па мастацкай гімнастыцы, то кіраўніцтва СДЮШАР шукае іншыя варыянты размяшчэння сваіх выхаванак.

Апісанне

На 2020 год у школе працуюць 5 аддзяленняў:

• акрабатыка спартыўная;
• гімнастыка спартыўная;
• гімнастыка мастацкая;
• скачкі на акрабатычнай дарожцы;
• скачкі на батуце.

Вядомыя выхаванцы

• Святлана Баітава — беларуская гімнастка
• Аляксандр Кружылаў — беларускі гімнаст
• Вячаслаў Марозаў — беларускі трамплініст
• Ганна Пазднякова — беларуская акрабатка
• Таццяна Пятрэня — беларуская скакун на батуце
• Якаў Ракіцкі — беларускі скакун на батуце
• Віталь Рудніцкі — беларускі гімнаст

Спасылкі

• Гісторыя школы Архівавана 28 лютага 2020. (руск.)