Магілёўская гарадская электрастанцыя
![](http://upload.wikimedia.org/wikipedia/commons/thumb/0/0b/%D0%9C%D0%B0%D0%B3%D1%96%D0%BB%D1%91%D1%9E._%D0%9A%D0%B0%D0%BB%D1%8F_%D0%BC%D0%B0%D0%BD%D0%B5%D0%B6%D0%B0_%D1%96_%D0%BF%D0%B5%D1%80%D1%88%D0%B0%D0%B9_%D1%8D%D0%BB%D0%B5%D0%BA%D1%82%D1%80%D0%B0%D1%81%D1%82%D0%B0%D0%BD%D1%86%D1%8B%D1%96_%2845%29.jpg/220px-%D0%9C%D0%B0%D0%B3%D1%96%D0%BB%D1%91%D1%9E._%D0%9A%D0%B0%D0%BB%D1%8F_%D0%BC%D0%B0%D0%BD%D0%B5%D0%B6%D0%B0_%D1%96_%D0%BF%D0%B5%D1%80%D1%88%D0%B0%D0%B9_%D1%8D%D0%BB%D0%B5%D0%BA%D1%82%D1%80%D0%B0%D1%81%D1%82%D0%B0%D0%BD%D1%86%D1%8B%D1%96_%2845%29.jpg)
Магілёўская гарадская электрастанцыя — першая электрастанцыя ў Магілёве. Пушчана ў эксплуатацыю 7 лютага 1910 года, хоць перагаворы і пастановы гарадской думы аб пабудове электрычнай станцыі і трамвая былі яшчэ ў 1900 годзе[1].
Працавала ад дызельнага рухавіка з магутнасцю генератара пастаяннага току 90 кВт. Да 1913 сумарная магутнасць 4 генератараў 330 кВт. На электрастанцыі была пастаўлена акумулятарная батарэя, якая ў самы час пік давала магчымасць развіваць магутнасць электрастанцыі да 430 кВт. Спажыўцамі электраэнергіі былі жылыя, службовыя і гарамадскія памяшканні (13,8 тыс. электралямпачак), 360 свяцілень вулічнага асвятлення, 3 прамысловыя прадпрыемствы[2]. У 1913 годзе выпрацавана 322 127 кВт·г электраэнергіі і карысна адпушчана 261 625 кВт·г, у тым ліку на асвятленне — 230 840 кВт·г (88,3 %), на сілкаванне электрарухавікоў — 30 785 кВт·г (11,7 %), г. зн. як і ў Мінскай электрастанцыі, пераважала светлавая нагрузка, што і вызначала яе графік работы, які меў «правалы» ў летнія месяцы[1].
У 1922 годзе праведзены капітальны рамонт электрастанцыі. У 1920-х гадах на ёй працавала 48 чалавек[3].
У 1929 годзе электрастанцыя стала выпрацоўваць пераменны ток[2].
Пасля ўвядзення ў эксплуатацыю ў 1930 годзе БелДРЭС і будаўніцтва ЛЭП 110 кВ і падстанцыі 110 кВ (1932) прамысловыя прадпрыемствы горада атрымалі сучасную энергетычную базу для рэканструкцыі і далейшага развіцця[2].
Зноскі
- ↑ а б Весці Акадэміі навук БССР. Серыя фізіка-тэхнічных навук. — 1957.
- ↑ а б в Электроснабжение // Могилёв. Энциклопедический справочник (руск.) / Гл. редактор И. П. Шамякин. — Мн.: БелСЭ им. П. Бровки, 1990. — 472 с. — ISBN 5-85700-028-9.
- ↑ А. І. Пушкін. Гістарычная і культурная спадчына горада Магілёва Архівавана 21 снежня 2019.
Літаратура[правіць | правіць зыходнік]
- Электроснабжение // Могилёв. Энциклопедический справочник (руск.) / Гл. редактор И. П. Шамякин. — Мн.: БелСЭ им. П. Бровки, 1990. — 472 с. — ISBN 5-85700-028-9.