Сямейства аб’ядноўвае каля 50 родаў (у т.л. марскія конікі, рыбы-ігалкі, марское шыла і інш.), больш за 200 відаў. Пашыраны ва ўсіх акіянах, некаторыя віды — у прэсных вадаёмах.
Даўжыня да 60 см. Цела ўкрыта касцянымі кольцамі. Галава з доўгім трубкападобным рылам. Шчэлепы ў выглядзе маленьких пучкоў, прымацаваных да рудыментарных шчэлепных дуг. Афарбоўка зменлівая. Ёсць спінны плаўнік, у некаторых відаў — грудныя і хваставы.
Кормяцца планктонам, ракападобнымі, маляўкамі рыб. Самка адкладвае ікру (каля 100 ікрынак) парцыённа ў вывадковую камеру самца, якая знаходзіцца ў брушным або хваставым аддзеле цела.
