Марыінская жаночая гімназія (Мінск)

З пляцоўкі Вікіпедыя
Jump to navigation Jump to search
Марыінская жаночая гімназія
Вул. К. Маркса, 29 -2.JPG
Заснаваны 1899
Тып гімназія
Адрас Мінск

Марыінская жаночая гімназія — колішняя сямікласная жаночая гімназія ў Мінску.

Будынак[правіць | правіць зыходнік]

Будынак былой жаночай Марыінскай гімназіі па вул. Падгорнай (цяпер вул. К. Маркса, № 29) узведзены ў 1879 годзе. Помнік архітэктуры эклектыкі[1].

Спачатку мураваны двухпавярховы прамавугольны ў плане будынак з цокальным паверхам, выцягнуты ў глыбіню двара[1].

Галоўны фасад вылучаны рызалітам з нязначным выступам і галоўным уваходам. Сцены прарэзаны высокімі лучковымі вокнамі, паміж імі руставаныя пілястры. Па восі будынка на першым паверсе знаходзіліся вестыбюль, на 2-м — актавая зала, у бакавых частках абапал калідораў — класы[1].

Пасля Кастрычніцкай рэвалюцыі ў будынку размяшчаўся палітэхнікум, у 1925-32 — Камуністычны ўніверсітэт Беларусі імя Леніна, з 1933 — Дзяржаўнай карціннай галерэі. У 1930-я надбудавалі трэці паверх, завершаны атыкам. У 1960-х зроблена прыбудова да тарцовай часткі з боку двара[1].

Цяпер у будынку — паштовая служба і Музей сувязі[2].

Гісторыя[правіць | правіць зыходнік]

Мінская марыінская жаночая гімназія

Адкрыта ў 1899 годзе. Марыінскай яна звалася таму, што адносілася да ведамства ўстаноў імператрыцы Марыі Фёдараўны. У 1912 годзе ў каменным двухпавярховым будынку займалася 560 вучаніц.

Выкладалі рускую мову і літаратуру, замежныя мовы, чыстапісанне, матэматыку, фізіку і закон божы, а таксама маляванне, гімнастыку, спевы, танцы, рукадзелле[3].

Выпускніцы атрымлівалі права працаваць хатнімі настаўніцамі і адкрываўся доступ да Вышэйшых жаночых курсаў без іспытаў[4].

У Першую Сусветную вайну Марыінская гімназія пераведзена ў г. Прапойск, у 1917 годзе была закрыта[3].

Вядомыя выпускніцы[правіць | правіць зыходнік]

Ірма Яўнзем, вучаніца Мінскай Марыінскай гімназіі, 1914

Сярод вучаніц жаночай гімназіі народная артыстка СССР Лідзія Ржэцкая, народная артыстка БССР Вера Пола, камерная спявачка Ірма Яўнзем.

Зноскі

  1. 1,0 1,1 1,2 1,3 «Архітэктура Беларусі. Энцыклапедычны даведнік». Мінск, «Беларуская Энцыклапедыя імя Петруся Броўкі», 1993 год. 620 стар. ISBN 5-85700-078-5.
  2. Марыінская жаночая гімназія (Мінск) на сайце Глобус Беларусі (руск.) 
  3. 3,0 3,1 «Збор помнiкаў гiсторыi i культуры Беларусі. Мінск». Мінск, выдавецтва «Беларуская Савецкая Энцыклапедыя імя Петруся Броўкі», 1988 год.
  4. В поисках утраченного (руск.) 

Спасылкі[правіць | правіць зыходнік]