Махінда Раджапаксэ

Махінда Раджапаксэ
මහින්ද රාජපක්ෂ மகிந்த ராசபக்ச Percy Mahendra 'Mahinda' Rajapaksa
Махінда Раджапаксэ на Пецярбургскім дзяржаўным эканамічным форуме ў 2011 годзе.
6-ы Прэзідэнт Шры-Ланкі 19 лістапада 2005 — 9 студзеня 2015
Папярэднік	Чандрыка Кумаратунга
Нараджэнне	18 лістапада 1945(1945-11-18) (79 гадоў) Віракеція, Шры-Ланка
Жонка	Shiranthi Rajapaksa[d]
Дзеці	Namal Rajapaksa[d], Yoshitha Rajapaksa[d] і Rohitha Rajapaksa[d]
Веравызнанне	будызм
Партыя	Партыя свабоды Шры-Ланкі
Адукацыя	Richmond College[d] Nalanda College[d]
Узнагароды	Honorary Doctor of the Beijing Foreign Studies University[d] (2011) honorary doctor of the Peoples' Friendship University of Russia[d] (2010)
Медыяфайлы на Вікісховішчы

Махінда Раджапаксэ (сінгальск.: මහින්ද රාජපක්ෂ, там.: மகிந்த ராஜபக்ச, англ.: Percy Mahendra 'Mahinda' Rajapaksa, нар. 18 лістапада 1945 года, Віракеція, Шры-Ланка) — прэзідэнт Шры-Ланкі (2005—2015), у 2004—2005 гадах — прэм’ер-міністр. Адзін з лідараў партыі свабоды Шры-Ланкі, якая ўваходзіць у Народны альянс.

Біяграфія

Нарадзіўся ў Паўднёвай правінцыі ў сям’і юрыста, які абіраўся дэпутатам парламента ў 1947—1960 гадах. Па адукацыі таксама юрыст (вучыўся ў каледжы ў Гале і ва ўніверсітэце Каломба). У 1970 годзе стаў самым маладым у гісторыі краіны дэпутатам парламента. Левацэнтрыст. У 1994—2001 гадах працаваў ва ўрадзе Шры-Ланкі — спачатку як міністр працы (распрацаваў прагрэсіўны працоўны кодэкс, які быў адпрэчаны пад націскам з боку буйнога бізнесу), затым як міністр рыбалоўства. У 2001—2004 гадах лідар апазіцыі ў парламенце.

Пасля перамогі ў 2004 годзе Народнага альянсу (блок ПСШЛ і левай нацыяналістычнай сінгальскай партыі «Джаната Вімукці Перамуна» (ДВП)) на абвешчаных прэзідэнтам Кумаратунгам датэрміновых парламенцкіх выбарах абраны прэм’ер-міністрам. Яго дзейнасць па ліквідацыі наступстваў разбуральнага цунамі 26 снежня 2004 года (гл. Землетрасенне ў Індыйскім акіяне ў 2004 годзе) была высока ацэнена ў краіне і па-за яе межамі.

Абраны прэзідэнтам падчас выбараў 17 лістапада 2005 года (атрымаў 50,3 % галасоў), прызначаных у сувязі з рашэннем Вярхоўнага суда Шры-Ланкі аб тым, што прэзідэнцкі тэрмін папярэдняга прэзідэнта Ч. Кумаратунгі заканчваецца ў снежні 2005 года. Пасля гэтага пасаду прэм’ер-міністра заняў Ратнасіры Вікрэманаяке.

Быў пераабраны прэзідэнтам Шры-Ланкі 27 студзеня 2010 года, атрымаўшы 57,88 % галасоў.

9 лютага 2010 года выдаў указ аб роспуску парламента і распарадзіўся аб арышце лідара апазіцыі Саратха Фансекі(у верасні 2010 года ваенны трыбунал прысудзіў Фансеку да трох гадоў пазбаўлення свабоды за карупцыю), узяўшы, такім чынам, рэзкі курс на адыход ад дэмакратыі ў бок аўтарытарызму.

Спасылкі

• Афіцыйны сайт Прэзідэнта Шры-Ланкі Архівавана 25 ліпеня 2011.