Молатагаловыя акулы

Молатагаловыя акулы
Sphyrna mokarran
Навуковая класіфікацыя
прамежныя рангі Дамен:  Эўкарыёты Царства:  Жывёлы Падцарства:  Эўметазоі Без рангу:  Двухбакова-сіметрычныя Без рангу:  Другаснаротыя Тып:  Хордавыя Падтып:  Пазваночныя Інфратып:  Сківічнаротыя Клада:  Рыбы Клас:  Храстковыя рыбы Падклас:  Пласцінажаберныя Інфраклас:  Euselachii Клада:  Neoselachii Надатрад:  Акулы Атрад:  Кархарынападобныя Сямейства:  Молатагаловыя акулы
Міжнародная навуковая назва
Sphyrnidae Gill, 1872
Арэал
Сістэматыка на Віківідах Выявы на Вікісховішчы ITIS   160497 NCBI   376648 EOL   1895 FW   83206

Молатагаловыя акулы, акулы-молаты, рыбы-молаты (Sphyrnidae) — сямейства рыб.

Апісанне

Даўжыня да 4 м, гіганцкая акула-молат дасягае 6 м. Маса да 450 кг. Галава сплюшчаная, з двума вялікімі бакавымі вырастамі, нагадвае молат (адсюль назва); на канцах вырастаў знаходзяцца вочы і вялікія ноздры. Форма вырастаў вар’іруе: ад вузкіх крылападобных у інда-ціхаакіянскага віда Eusphyra blochii да роўназакругленых лапатападобных у амерыканскай акулы Sphyrna tiburo.

Пашырэнне

Выдзяляюцца 2 роды, 7-8 відаў. Пашыраны пераважна ў трапічных акіянічных водах, звычайная акула-молат часам заходзіць ва ўмераныя воды. Жывуць у Індыйскім, Ціхім, Атлантычным акіянах, насяляюць галоўным чынам кантынентальны шэльф.

Асаблівасці біялогіі

Кормяцца буйнымі доннымі беспазваночнымі, кальмарамі, рыбамі.

Жывародныя альбо яйцажывародныя. Нараджаюць да 40 дзіцянят.

Значэнне для чалавека

Аб'ект промыслу. Буйныя асобіны небяспечныя для чалавека.

Літаратура

• Молатагаловыя акулы // Беларуская энцыклапедыя: У 18 т. Т. 10: Малайзія — Мугаджары / Рэдкал.: Г. П. Пашкоў і інш. — Мн. : БелЭн, 2000. — Т. 10. — 544 с. — 10 000 экз. — ISBN 985-11-0035-8. — ISBN 985-11-0169-9 (т. 10).