Міжнародная асацыяцыя акадэмій навук
| Міжнародная асацыяцыя акадэмій навук | |
|---|---|
 | |
| Абрэвіятура | МААН |
| Кіраўнікі | |
| Кіраўнік | Уладзімір Рыгоравіч Гусакоў |
| Намеснік кіраўніка | Пётр Аляксандравіч Віцязь |
| Заснаванне | |
| Дата заснавання | 1993 |
| int-maan.by | |
Міжнародная асацыяцыя акадэмій навук — міжнароднае няўрадавае аб’яднанне, створанае з мэтай аб’яднання намаганняў вучоных для вырашэння агульных праблем навуковага развіцця грамадства, абагульнення вынікаў фундаментальных і прыкладных даследаванняў, узгаднення навуковай палітыкі акадэмій навук, падтрымкі найбольш перспектыўных напрамкаў навуковых даследаванняў, выкарыстання ўнікальнай і дарагой апаратуры.[1]
Агульная інфармацыя[правіць | правіць зыходнік]
Міжнародная асацыяцыя акадэмій навук была створана па ініцыятыве прэзідэнта Нацыянальнай акадэміі навук Украіны акадэміка Барыса Яўгенавіча Патона ў Кіеве ў 1993 годзе для арганізацыі ўзаемадзеянняў паміж Акадэміямі розных краін. Прэзідэнтам МААН быў абраны Б. Я. Патон, а НАН Украіны стала базавай акадэміі навук МААН. З 2017 года Нацыянальная акадэмія навук Беларусі стала выконваць функцыі базавай акадэміі навук у арганізацыйным і метадычным суправаджэнні МААН. Кіраўніком Міжнароднай асацыяцыі акадэмій навук быў абраны Старшыня Прэзідыума НАН Беларусі акадэмік Уладзімір Рыгоравіч Гусакоў (перавыбраны ў 2022 г.[2]). Вышэйшы кіруючы орган Міжнароднай асацыяцыі акадэмій навук — Савет МААН.
Па стане на 21 верасня 2023 года ў склад МААН уваходзяць 27 арганізацый-членаў, а таксама дзейнічаюць 28 навуковых саветаў (уключаючы Савет маладых вучоных МААН).[3]
Правадзейныя члены[правіць | правіць зыходнік]
- Нацыянальная акадэмія навук Азербайджана
- Нацыянальная акадэмія навук Рэспублікі Арменія
- Нацыянальная акадэмія навук Беларусі
- В’етнамская акадэмія навук і тэхналогій
- Нацыянальная акадэмія навук Грузіі
- Нацыянальная акадэмія навук Рэспублікі Казахстан
- Кітайская акадэмія навук (з 2018 г.)
- Кубінская акадэмія навук (з 2023 г.)
- Нацыянальная акадэмія навук Кыргызскай Рэспублікі
- Акадэмія навук Малдовы
- Мангольская акадэмія навук (з 2019 г.)
- Расійская акадэмія навук
- Акадэмія навук Рэспублікі Таджыкістан
- Акадэмія навук Туркменістана
- Акадэмія навук Рэспублікі Узбекістан
- Чарнагорская акадэмія навук і мастацтваў (з 2018 г.)
- Маскоўскі дзяржаўны ўніверсітэт імя М. В. Ламаносава (абраны правадзейным членам у 2020 годзе, да гэтага быў асацыяваным членам)
- Нацыянальны даследчы цэнтр «Курчатаўскі інстытут» (абраны правадзейным членам у 2020 годзе, да гэтага быў асацыяваным членам)
- Аб’яднаны інстытут ядзерных даследаванняў (абраны правадзейным членам у 2020 годзе, да гэтага быў асацыяваным членам)
- Маскоўскі фізіка-тэхнічны інстытут (дзяржаўны ўніверсітэт) (абраны правадзейным членам у 2020 годзе, да гэтага быў асацыіраваным членам)
- Расійскі цэнтр навуковай інфармацыі (раней — Расійскі фонд фундаментальных даследаванняў, абраны правадзейным членам у 2020 годзе, да гэтага быў асацыяваным членам)
- Беларускі рэспубліканскі фонд фундаментальных даследаванняў (да 2023 г. быў асацыяваным членам МААН)
- Акадэмія навук правінцыі Гуандун (КНР) (прынята ў 2021 г., да 2023 г. была асацыяваным членам МААН)
- Акадэмія навук правінцыі Цзянсу (КНР) (прынята ў 2018 г., да 2023 г. была асацыяваным членам МААН)
- Акадэмія навук правінцыі Хэйлунцзян (КНР) (прынята ў 2019 г., да 2023 г. была асацыяваным членам МААН)
- Акадэмія навук правінцыі Шаньдун (КНР) (прынята ў 2019 г., да 2023 г. была асацыяваным членам МААН)
- Расійская акадэмія адукацыі (прынята ў 2022 г., да 2023 г. была асацыяваным членам МААН)
Былыя члены[правіць | правіць зыходнік]
- Нацыянальная акадэмія навук Украіны (да 2023 г. была правадзейным членам МААН)
- Нацыянальная акадэмія аграрных навук Украіны (прынята ў 2018 г., да 2023 г. была асацыяваным членам МААН) [4]
Зноскі
- ↑ Положение о Международной ассоциации академий наук
- ↑ Гусаков переизбран руководителем Международной ассоциации академий наук
- ↑ Международная ассоциация академий наук
- ↑ Архіў сайта МААН (2022). Архівавана з першакрыніцы 19 кастрычніка 2021. Праверана 19 кастрычніка 2021.