Міхаіл Міронавіч Пейсахаў

Міхаіл Міронавіч Пейсахаў
Дата нараджэння	26 снежня 1923(1923-12-26)
Месца нараджэння	Віцебск, Віцебская губерня, БССР, СССР
Дата смерці	1996
Месца смерці	Казань, Татарстан, Расія
Род дзейнасці	навуковец
Навуковая сфера	псіхалогія
Месца працы	Казанскі ўніверсітэт
Навуковая ступень	доктар псіхалагічных навук
Навуковае званне	прафесар
Узнагароды

Міхаіл Міронавіч (Нісан Мееравіч) Пейсахаў (руск.: Пейсахов Михаил Миронович; 26 снежня 1923, Віцебск — 13 красавіка 1996, Казань) — адзін з вядучых псіхолагаў Расіі, доктар псіхалагічных навук, прафесар кафедры псіхалогіі Казанскага дзяржаўнага універсітэта.

Біяграфія

Свой працоўны шлях пачаў перад самым пачаткам Вялікай Айчыннай вайны школьным настаўнікам фізкультуры ў Казані. З снежня 1942 па снежань 1945 года ён з гонарам выконваў свой воінскі абавязак у шэрагах Савецкай арміі, за што ўзнагароджаны ордэнамі Айчыннай вайны і медалём «За перамогу над Германіяй». Пасля вайны працягнуў выкладанне фізкультуры ў тэатральным вучылішчы, у школе № 11 Казані, а затым — у школе вышэйшага спартыўнага майстэрства. Працуючы выкладчыкам і трэнерам па лёгкай атлетыцы, ён падрыхтаваў некалькі майстроў спорту, займаў адказныя пасады ў гарадскім і рэспубліканскім камітэтах па фізічнай культуры і спорце. Працягваючы трэніраваць групу спартсменаў, ён пачаў працаваць на кафедры фізічнага выхавання Казанскага дзяржаўнага ўніверсітэта, дзе адным з першых звярнуў увагу на праблему камплектавання груп студэнтаў па занятках рознымі відамі спорту, а таксама на неабходнасць вывучэння не толькі антрапаметрычных, але і больш глыбокіх псіхафізіялагічных і псіхалагічных асаблівасцяў спартсменаў.
Доўгі час прапрацаваў псіхолагам зборных каманд Расіі і СССР па скачках у ваду, забяспечваючы адбор, вывучэнне і неабходную карэкцыю працэсаў трэніроўкі спартсменаў высокага класа.
У кастрычніку 1970 г. абараніў кандыдацкую дысертацыю, атрымаў вучонае званне дацэнта, перайшоў працаваць на кафедру педагогікі і псіхалогіі КДУ. У 1989 г. у Інстытуце псіхалогіі АН СССР абараніў доктарскую дысертацыю па агульнай псіхалогіі, стаў прафесарам.

Навуковыя працы

• «Психологические и психофизиологические особенности студентов». Казань, 1977.
• «Закономерности динамики психических явлений». Казань, 1984.
• «Саморегуляция и типологические свойства нервной системы». Казань, 1974.
• «Краткие методы и портативная аппаратура для исследования индивидуально-психологических различий человека»
• «Практическая психология». Казань, 1991.

Літаратура

• «Во имя павших и живых во имя…» Книга памяти Казанского университета / автор-сост. В. Ф. Телишев. — Казань: Казан. гос. ун-т, 2010. — С. 78. — 124 с. (руск.) ISBN 978-5-98180-794-7

Спасылкі

• Часопіс «Вопросы психологии» (руск.)