Насарогі

З Вікіпедыі, свабоднай энцыклапедыі
Насарогі

Белы насарог
Навуковая класіфікацыя
Міжнародная навуковая назва

Rhinocerotidae (Gray, 1821)

Арэал

выява


Сістэматыка
на Віківідах

Выявы
на Вікісховішчы
ITIS  624916
NCBI  9803
EOL  1669
FW  43187

Насарогі (Rhinocerotidae) — сямейства няпарнакапытных.

Вядомы з эацэну (каля 45 млн гадоў назад). Выдзяляецца 4 роды, 5 відаў.

Пашыраны ў Паўднёва-Усходняй Азіі і Афрыцы. Жывуць у трапічных лясах, саваннах, прыбярэжных зарасніках, на балотах. Трымаюцца паасобна, парамі або невялікімі групамі. Найбольшы буйны від — афрыканскі белы насарог.

Даўжыня да 5 м, вышыня ў карку да 2 м, маса да 5 т. Скура тоўстая, цёмна-шэрая, амаль без валасоў. Тулава масіўнае, ногі кароткія, трохпальцыя. На канцах пальцаў капыты, з якіх сярэдні самы вялікі. Шыя кароткая, вочы маленькія. На лбе і пераноссі рогі (1 ці 2, у насарога чорнага — часам да 5), размешчаныя адзін за адным; іх аснову складае патоўшчаная, арагавелая скура. Даўжыня пярэдняга рога дасягае 1,58 м. Нюх і слых развітыя, зрок слабы.

Расліннаедныя. Нараджаюць 1—2 дзіцяняці раз у 2—3 гады.

Усе віды насарогаў занесены ў Чырвоную кнігу МСАП.

Літаратура[правіць | правіць зыходнік]