Нацыянальны ўніверсітэт Сан-Маркас

Галоўны нацыянальны ўніверсітэт Сан-Маркас
Universidad Nacional Mayor de San Marcos
Арыгінальная назва	Universidad Nacional Mayor de San Marcos
Міжнародная назва	National University of San Marcos
Дэвіз	Universidad del Perú, Decana de América Універсітэт Перу, найстарэйшы ў Амерыцы
Заснаваны	12 мая 1551
Тып	дзяржаўны ўніверсітэт
Рэктар	Луіс Іскіерда Васкес
Рэктар	Jeri Ramón Ruffner[d]
Студэнты	Каля 40 000
Краіна	Перу
Размяшчэнне	Ліма, Перу
Кампус	69 га
Юрыдычны адрас	Ciudad Universitaria: Av. Venezuela cdra. 34, Av. Universitaria s/n., Lima.
Сайт	unmsm.edu.pe
Медыяфайлы на Вікісховішчы

Нацыянальны універсітэт Сан-Маркас ((ісп.: Universidad Nacional Mayor de San Marcos, UNMSM) — дзяржаўны ўніверсітэт у горадзе Ліма, Перу, найстарэйшы ва ўсёй Амерыцы. Заснаваны 12 мая 1551 года дэкрэтам іспанскага караля Карласа I на базе манастырскай школы Дамініканскага ордэна, якая насіла імя св. Марка.

Сталічны універсітэт Лімы лічыцца самай прэстыжнай і паважанай вышэйшай навучальнай установай у Перу і з'яўляецца вядучым навукова-даследчым цэнтрам краіны. Ва ўніверсітэце вучыліся многія ўплывовыя перуанскія і лацінаамерыканскія мысляры, навукоўцы, палітыкі і пісьменнікі. Гістарычна ўніверсітэт таксама атрымаў вядомасць як цэнтр студэнцкай актыўнасці.

Ва ўніверсітэце функцыянуюць 20 факультэтаў і 58 кафедраў, якія ажыццяўляюць падрыхтоўку студэнтаў і аспірантаў. Большасць факультэтаў і даследчых інстытутаў размешчаны ва ўніверсітэцкім гарадку - вялікім кампусе на заходняй ўскраіне Лімы. Ва ўніверсітэце вучацца каля 40 тыс. студэнтаў і 4 тыс. аспірантаў.

Пры ўніверсітэце дзейнічаюць шэраг дзяржаўных устаноў (такіх, як «Культурны цэнтр Сан-Маркас» і «Музей натуральнай гісторыі»), а таксама (з 1924) футбольны клуб «Універсітарыа».

Вядомыя выпускнікі

• Сэсар Вальеха, перуанскі паэт
• Марыа Варгас Льёса, перуана-іспанскі пісьменнік

Спасылкі

• На Вікісховішчы ёсць медыяфайлы па тэме Нацыянальны ўніверсітэт Сан-Маркас
• Сайт Універсітэта Сан-Маркаса (ісп.)