Неўшатэльскае возера

Неўшатэльскае возера, Нёшатэльскае возера (фр.: Lac de Neuchâtel) — возера на захадзе Швейцарыі, каля паўднёва-ўсходняга падножжа гор Юра. Плошча 216 км², даўжыня каля 40 км, глыбіня 153 м. Злучана пратокай з Більскім возерам, якое мае сцёк праз раку Аарэ ў Рэйн. Заходні бераг гарысты, усходні — спадзісты. У суровыя зімы замярзае. На беразе возера — горад Нёўшатэль. Каля яго ўсходняга краю рэзерват Кюдрэфен.

Літаратура

• Беларуская энцыклапедыя: У 18 т. Т. 11: Мугір — Паліклініка / Рэдкал.: Г. П. Пашкоў і інш. — Мн.: БелЭн, 2000. — 560 с.: іл. ISBN 985-11-0188-5 (т. 11), ISBN 985-11-0035-8.