Браслаўскі павет (Расійская імперыя)

Новааляксандраўскі павет
Краіна	Расійская імперыя
Уваходзіць у	Ковенская губерня
Дата ўтварэння	1795
Насельніцтва	208 487 (1 897)
Плошча	4769,2 вёрст²

Браслаўскі паве́т (у 1836—1922 гг. — Новааляксандраўскі павет) — адміністрацыйна-тэрытарыяльная адзінка Расійскай імперыі.

У 1793 яго ўсходняя частка далучана да Расійскай імперыі, астатняя частка павета пераўтворана ў Браслаўскае ваяводства (існавала да 1795). У складзе Расійскай імперыі Браслаўскі павет уваходзіў y Віленскую губерню, у 1797—1801 гг. y Літоўскую губерню. Плошча 5555 кв. вёрст, насельніцтва 210 689 чалавек (1897). У 1836 годзе Браслаўскі павет перайменаваны ў Новааляксандраўскі павет, які з 1843 годзе знаходзіўся ў складзе Ковенскай губерні

З 1921 года ў Заходняй Беларусі. У 1922 годзе адноўлена назва Браслаўскі павет і ён уключаны ў склад Віленскай зямлі (з 1925 года ваяводства). Плошча 4218 км², насельніцтва 124 909 чалавек (1919).

3 верасня 1939 Браслаўскі павет y складзе БССР, уваходзіў y Вілейскую вобласць. 15 студзеня 1940 павет скасаваны, на яго тэрыторыі ўтвораны шэраг раёнаў, y т.л. Браслаўскі раён.

Літаратура

• Беларуская энцыклапедыя: У 18 т. Т.3: Беларусы — Варанец / Рэдкал.: Г. П. Пашкоў і інш — Мн.: БелЭн, 1996. — Т. 3. — 511 с. — 10 000 экз. — ISBN 985-11-0068-4 (т. 3).