Нусмір Фаіч

З Вікіпедыі, свабоднай энцыклапедыі
(Пасля перасылкі з Нусмір Файіч)
Футбол
Нусмір Фаіч
Нарадзіўся 12 студзеня 1987(1987-01-12)[1][2][…] (37 гадоў)
Грамадзянства  Боснія і Герцагавіна
Рост 191 см
Вага 82 кг
Пазіцыя нападнік
Інфармацыя пра клуб
Клуб Боснія і Герцагавіна Слога (Босанска Отака)
Клубная кар’ера[* 1]
2005—2008 Боснія і Герцагавіна Звіезда (Градачац)
2008—2009 Боснія і Герцагавіна Рудар (Прыедар)
2009—2011 Боснія і Герцагавіна Траўнік 42 (16)
2011—2012 Славенія Мура 05 (Мурска-Собата) 49 (25)
2013—2014 Славенія Марыбар 43 (20)
2015 Беларусь Дынама (Мінск) 8 (1)
2015 Боснія і Герцагавіна Віцез 6 (1)
2016 Кітай Сіньцзян Цяньшань Леапард 21 (9)
2017 Румынія КСУ (Краёва) 5 (0)
2017—2018 Боснія і Герцагавіна Крупа 19 (7)
2018—2020 Боснія і Герцагавіна Вележ (Мостар) 47 (32)
2020 Боснія і Герцагавіна Адзінства (Біхач) 12 (3)
2021—2022 Харватыя Б’елавар 20 (14)
2022— Боснія і Герцагавіна Слога (Босанска Отака)
  1. ↑ Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 24 сакавіка 2023.

Нусмір Фаіч (басн.: Nusmir Fajić; нар. 12 студзеня 1987, Босанска-Крупа, СФРЮ) — баснійскі футбаліст, нападнік клуба «Слога» з Босанскай Отакі.

Клубная кар’ера[правіць | правіць зыходнік]

Выхаванец футбольнай школы «Градзіна Срэбранік», пазней выступаў за розныя клубы Босніі і Герцагавіны. У чэрвені 2011 перайшоў у славенскі клуб «Мура 05» (Мурска-Собата). За два сезоны ў «Муры» Фаіч забіў 27 галоў у 57 матчах ва ўсіх турнірах.

У студзені 2013 года перайшоў у склад вядучага клуба Славеніі — «Марыбара». У складзе «Марыбара» двойчы выйграў чэмпіянат і Суперкубак Славеніі і адзін раз стаў уладальнікам Кубка Славеніі. Правёў у розных турнірах (чэмпіянат і Кубак Славеніі, Ліга Еўропы і Ліга Чэмпіёнаў УЕФА) за «Марыбар» 57 матчаў, забіў 24 галы.

У сезоне 2014/15 страціў месца ў аснове «Марыбара». У выніку, у лютым 2015 года падпісаў двухгадовы кантракт з мінскім «Дынама»[3]. Аднак не здолеў замацавацца ў «Дынама» — пераважна толькі выхадзіў на замену, а з чэрвеня ўвогуле перастаў з’яўляцца на полі. 7 ліпеня 2015 года кантракт з мінскім клубам па ўзаемнай згодзе быў разарваны[4].

У верасні 2015 года вярнуўся на радзіму, стаўшы іграком клуба «Віцез». У 2016—2017 гуляў за кітайскі «Сіньцзян Цяньшань Леапард» і румынскі КСУ, пасля перайшоў у баснійскую «Крупу». У ліпені 2018 года перабраўся ў клуб другога баснійскага дывізіёна «Вележ» з Мостара, выйшаў з ім у Прэм’ер-лігу, а ў ліпені 2020 года стаў іграком «Адзінства», дзе гуляў да канца года.

У жніўні 2021 года далучыўся да клуба «Б’елавар» з трэцяга дывізіёна Харватыі. У ліпені 2022 года вярнуўся ў Боснію, у клуб «Слога» з Босанскай Отакі.

Дасягненні[правіць | правіць зыходнік]

  • Славенія 03Бронзавы прызёр Бронзавы прызёр чэмпіянату Славеніі: 2011/12
  • Славенія Уладальнік Кубка Славеніі: 2013
  • Славенія 01Чэмпіён Чэмпіён Славеніі (2): 2012/13, 2013/14
  • Славенія Уладальнік Суперкубка Славеніі (2): 2013, 2014
  • Боснія і Герцагавіна Пераможца Першай лігі ФБіГ: 2018/19

Зноскі

  1. ↑ Nusmir Fajic // Transfermarkt — 2000. Праверана 9 кастрычніка 2017.
  2. ↑ Nusmir Fajić // FBref.com
  3. ↑ Минское "Динамо" официально объявило о подписании 2-летнего контракта с Нусмиром Файичем (ФОТО)
  4. ↑ Нусмир Файич покинул минское "Динамо"

Спасылкі[правіць | правіць зыходнік]

Узята з "https://be.wikipedia.org/w/index.php?title=Нусмір_Фаіч&oldid=4414461"