Ота Зандэр

Ота Зандэр
ням.: Otto Sander
Род дзейнасці	акцёр, акцёр агучвання, кінаакцёр, тэатральны акцёр, кінарэжысёр, сцэнарыст
Дата нараджэння	30 чэрвеня 1941(1941-06-30)[…]
Месца нараджэння	Гановер, Правінцыя Гановер, Вольная дзяржава Прусія, Трэці рэйх
Дата смерці	12 верасня 2013(2013-09-12)[…] (72 гады)
Месца смерці	Берлін, Германія
Месца пахавання	Даратэенштацкія могілкі[d]
Грамадзянства	Германія
Жонка	Monika Hansen[d]
Альма-матар	Мюнхенскі ўніверсітэт Людвіга-Максіміліяна
Член у	Берлінская акадэмія мастацтваў
Узнагароды і прэміі	Deutscher Kritikerpreis[d] (1979) German Actor Award[d] (1980, 1989) Ernst Lubitsch award[d] (1982) Берлінскі мядзведзь[d] (1998) Berlinale Camera[d] (2008)
Медыяфайлы на Вікісховішчы

Ота Зандэр (ням.: Otto Sander; 30 чэрвеня 1941, Гановер — 12 верасня 2013, Берлін) — нямецкі акцёр. Шырока вядомы шматгадовым супрацоўніцтвам з рэжысёрам Вімам Вендэрсам.

Біяграфія

Вырас у Каселі, адслужыў ваенную службу ў флоце, вывучаў гісторыю мастацтваў і філасофію ва ўніверсітэце. У 1965 дэбютаваў на сцэне ў адным з камерных тэатраў Дзюсельдорфа. З 1967 прафесійны акцёр.

Тэатральная кар’ера Зандэра звязана, пераважна, з берлінскай «Шаўбюнэ» Петэра Штайна.

Адну з першых прыкметных кінароляў сыграў у фільме «Адзін з нас дваіх» (1973), якім дэбютаваў рэжысёр Вольфганг Петэрсен. У далейшым Зандер здымаўся ў такіх рэжысёраў, як Эрык Ромер («Маркіза фон О», 1976), Фолькер Шлёндорф («Бляшаны барабан», 1979), Анджэй Вайда («Каханне ў Германіі», 1980), Вольфганг Петэрсен («Човен», 1981, у ролі капітан-лейтэнанта Філіпа Томсена), Маргарэта фон Трота («Роза Люксембург», 1986, у ролі Карла Лібкнехта), Роза фон Праунхайм («Эйнштэйн сэксу», 1999). Самай знакамітай роляй Зандера, аднак, застаецца роля анёла Касіэля ў фільме Віма Вендэрса «Неба над Берлінам» (1987) і ў яго працягу «Так далёка, так блізка!» (1993).

Часткай творчай кар’еры Зандэра з’яўлялася яго сталае выступленне ў якасці дыктара ў дакументальных фільмах, а таксама чытальнік аўдыёкніг і т. п.: яго голас асабліва шануецца ў Германіі, так што часам Зандэра нават завуць проста Голас (ангел. The Voice).

Член журы 40-га Берлінскага кінафестывалю.