Паводкі ў Непале (2024)
У пачатку ліпеня і канцы верасня 2024 года з-за праліўных дажджоў Непал ахапілі паводкі. Па меншай меры 14 чалавек загінулі пры першай хвалі стыхіі ў пачатку ліпеня, яшчэ дзевяць лічацца прапаўшымі без вестак[1]. Пры другой хвалі загінула як мінімум 224 чалавекі і 28 прапалі без вестак[2][3][4].
Паводкі ў Непале супалі з аналагічнымі бедствамі ў памежных штатах Індыі, такіх як Утар-Прадэш і Асам. Як заявіў непальскі метэаролаг Біну Махарджан, прычынай стыхіі стала сістэма нізкага ціску над Індыяй і Бенгальскім залівам[4][5]. Урад Непала выдаў некалькі папярэджанняў аб паводках, а таксама забарону на перамяшчэнне па шашы ў начны час[6].
Пачынаючы з 26 верасня праліўныя дажджы ахапілі большую частку краіны, прыносячы больш за ўсё ападкаў ва ўсходнія і паўднёва-ўсходнія рэгіёны краіны[4][5]. Найбольш пацярпелі правінцыя Багмаці[7][8] і даліна Катманду. Падчас дадждоў і паводкаў 28—29 верасня ў сталіцы Катманду пабіты рэкорд па колькасці ападкаў 1970 года[7][9] (выпала ад 240 да 322 мм[10]).
Для барацьбы з наступствамі стыхіі прыцягнута больш за 3000 сілавікоў[4][7]. 27 верасня ўсе ўнутраныя рэйсы, якія выляталі з Катманду, былі адменены[4], а школы і ўніверсітэты былі зачыненыя на тры дні[5].
Міжнародны цэнтр комплекснага развіцця горных раёнаў заявіў, што няправільныя інвестыцыі ў інфраструктуру Непала і яе дрэннае планаванне спрыялі пагаршэнню сітуацыі, у прыватнасці, незапланаванае засяленне, будаўніцтва, урбанізацыя на поймах рэк, недахоп тэрыторый для ўтрымання вады і рост населеных пунктаў уздоўж ракі Багмаці. Цэнтр настойваў на тым, каб урад інвеставаў больш сродкаў у інфраструктуру, уключаючы механізмы прадухілення паводак, такія як падземныя ліўневыя сістэмы[6].
Крыніцы
[правіць | правіць зыходнік]- ↑ Photos: 14 killed in Nepal as flooding grips South Asia (англ.). Al Jazeera. Праверана 29 September 2024.
- ↑ Sarkar, Alisha Rahaman; Mishra, Stuti (30 September 2024). "More than 193 people dead in Nepal as capital records highest rainfall in 50 years". The Independent. Праверана 30 September 2024.
- ↑ Government of Nepal, Ministry of Home Affairs, NDRRMA. "2024 September Floods and Landslides Situation Report #2", 01 October 2024. (First Situation Report published on 29 September 2024)
- ↑ а б в г д Rescuers search for missing people in Nepal following flooding and landslides that killed 224 (англ.). AP News (1 кастрычніка 2024). Праверана 3 кастрычніка 2024. Памылка ў зносках: памылковы тэг
<ref>; імя ":0" вызначана некалькі разоў з розным зместам - ↑ а б в Nepal floods, landslides leave 104 people dead (англ.). DW (29 верасня 2024). Праверана 29 September 2024.
- ↑ а б Floods, landslides wreak havoc in Nepal: At least 100 dead, dozens missing (англ.). The Indian Express (29 верасня 2024). Праверана 29 September 2024.
- ↑ а б в Gurubacharya. Flooding and landslides in Nepal kill at least 66 people, with as many again still missing (англ.). AP News (28 верасня 2024). Праверана 30 September 2024.
- ↑ "More than 100 killed and 64 missing as flooding and landslides hit Nepal". The Guardian [брытанская англійская]. 29 September 2024. ISSN 0261-3077. Праверана 30 September 2024.
- ↑ Uprety. Nepal floods follow most intense rainfall for more than half a century. Red Cross Red Crescent Climate Centre (29 верасня 2024). Праверана 30 September 2024.
- ↑ Sharma, Gopal (29 September 2024). "Nepal closes schools as deaths from heavy rains hit 151". Reuters.