Падатак на прыбытак

З пляцоўкі Вікіпедыя
Jump to navigation Jump to search

Падатак на прыбытак — адзін з асноўных відаў прамых падаткаў. Займае асноўнае месца па ўдзельнай вазе ў фарміраванні даходаў дзяржаўнага бюджэту. Аб’ектам абкладання з’яўляецца агульны прыбытак арганізацыі, паменшаны ці павялічаны ў адпаведным парадку. Плацельшчыкамі падатку з’яўляюцца ўсе камерцыйныя прадпрыемствы, а таксама некамерцыйныя арганізацыі, якія займаюцца прадпрымальніцтвам. Падатак узымаецца паводле падатковай дэкларацыі па прапарцыйных ці прагрэсіўных стаўках.

Беларусь[правіць | правіць зыходнік]

Паводле агульнай часткі Падатковага кодэкса Рэспублікі Беларусь 2002 года, падатак на прыбытак з’яўляецца рэспубліканскім (артыкул 8)[1]. Асаблівая частка Падатковага кодэксу Беларусі 2009 года змяшчала главу 14 «Падатак на прыбытак», якая ўключала артыкулы з 125-га па 144-ы. Паводле 125-га артыкула, «Плацежнікамі падатку на прыбытак прызнаюцца арганізацыі». Згодна са 126-м артыкулам «Аб’ектам падаткаабкладання падаткам на прыбытак прызнаюцца валавы прыбытак, а таксама дывідэнды і прыраўнаваныя да іх даходы..., налічаныя беларускімі арганізацыямі»[2].

Стаўкі[правіць | правіць зыходнік]

Паводле 142-га артыкула асаблівай часткі Падатковага кодэкса Беларусі 2009 года, «Стаўка падатку на прыбытак усталёўваецца ў памеры:

  • 18 %[3] — ва ўсіх агульных выпадках;
  • 12 % — «па дывідэндах…, а таксама па даходах заснавальнікаў (удзельнікаў, акцыянераў) у выглядзе курсавых розніц, што ўзнікаюць пры пераацэнцы дэбіторскай запазычанасці па разліках з замежнымі арганізацыямі па належных ад іх дывідэндах»;
  • 10 % — «ад збыту тавараў уласнай вытворчасці, уключаных у пералік высокатэхналагічных тавараў», што таксама аб’ядноўваюць «навукова-тэхналагічныя паркі, цэнтры трансфармацыі тэхналогій, рэзідэнты навукова-тэхналагічных паркаў»;
  • 25 % — «банкі і страхавыя арганізацыі»[2].

Зноскі

  1. А.Лукашэнка. Падатковы кодэкс Рэспублікі Беларусь ад 19 снежня 2002 г. № 166-З (агульная частка) (руск.) , Нацыянальны прававы інтэрнэт-партал Рэспублікі Беларусь (26 кастрычніка 2016). Праверана 4 кастрычніка 2018.
  2. 2,0 2,1 А.Лукашэнка. Падатковы кодэкс Рэспублікі Беларусь ад 29 снежня 2009 г. № 71-З (асаблівая частка) (руск.) , Нацыянальны прававы інтэрнэт-партал Рэспублікі Беларусь (12 студзеня 2017). Праверана 4 кастрычніка 2018.
  3. Уладзіслаў Кулецкі. Дзяржава і бізнес разам шукаюць выйсце // Звязда : газета. — 27 жніўня 2013. — № 159 (27524). — С. 2. — ISSN 1990-763x.