Прыбытак

Прыбытак — розніца паміж даходамі (выручкай ад рэалізацыі тавараў і паслуг) і выдаткамі на вытворчасць ці набыццё і збыт гэтых тавараў і паслуг. Прыбытак = Выручка - Выдаткі (у грашовым выразе).

Гэта адзін з найбольш важных паказчыкаў фінансавых вынікаў гаспадарчай дзейнасці суб'ектаў прадпрымальніцтва (арганізацый і прадпрымальнікаў), дзеля якога галоўным чынам і ажыццяўляецца прадпрымальніцкая дзейнасць.

Адрозніваюць:

• бухгалтарскі прыбытак — розніца паміж сумай рэалізацыі (даходамі ад продажу) і расходамі (выдаткамі);
• эканамічны прыбытак — гэта астача ад агульнага даходу пасля выліку ўсіх выдаткаў, розніца паміж бухгалтарскім прыбыткам і дадатковымі расходамі, такімі як: некампенсаваныя ўласныя выдаткі прадпрымальніка, не ўлічаныя ў сабекошце, у тым ліку «прапушчаная выгада», выдаткі на «стымуляванне» чыноўнікаў у карупцыйных эканоміках, дадатковыя прэміяльныя працаўнікам.

Звычайна разлічваюць валавы (балансавы, агульны) прыбытак і чысты — які застаецца пасля выплаты з валавага прыбытку падатакаў і адлічэнняў.

Гл. таксама

• Чысты прыбытак
• Валавы прыбытак
• Манапольны прыбытак
• Унутраны прыбытак
• Доля ў прыбытку
• Рэнтабельнасць
• Эканамічны эфект
• Фінансавы вынік
• Страта

Літаратура

• Albrecht, William P. (1983). Economics. Englewood Cliffs, New Jersey: Prentice-Hall. ISBN 0-13-224345-8. https://archive.org/details/economics0003albr. 
• Carbaugh, Robert J. (January 2006). Contemporary economics: an applications approach. Cengage Learning. ISBN 978-0-324-31461-8. http://books.google.com/books?id=9Pascy_5HUMC. Retrieved on 3 October 2010. 
• Lipsey, Richard G. (1975). An introduction to positive economics (fourth ed.). Weidenfeld & Nicolson. pp. 214–7. ISBN 0-297-76899-9. https://archive.org/details/introductiontopo0000lips. 
• Chiller, Bradley R. (1991). Essentials of Economics. New York: McGraw-Hill.