Падсудны

Падсу́дны — абвінавачаны, якога аддалі пад суд. Паводле працэсуальнага заканадаўства Рэспублікі Беларусь (КПКу рэдакцыі 1960) мае права браць удзелу судовым разглядзе яго справы, заяўляць адводы і хадайніцтвы, прад’яўляць доказы, выступаць у судовых спрэчках, выступаць з апошнім словам, абскарджваць прыгавор і вызначэнне суда. Яўка падсуднага ў суд абавязковая. Разбор справы пры адсутнасці падсуднага дапускаецца ў выключных выпадках, калі гэта не перашкаджае ўстанаўленню ісціны па сутнасці абвінавачвання. Свае правы падсудны рэалізуе сам або з дапамогай абаронца. Пасля вынясення абвінаваўчага прыгавору і набыцця ім законнай сілы падсудны становіцца асуджаным.

КПК Рэспублікі Беларусь 1999 замест паняцця «падсудны» ўжывае паняцце «абвінавачаны», пакідаючы за ім тыя ж правы і абавязкі.

Літаратура

• Э. І. Кузьмянкова. Падсу́дны // Беларуская энцыклапедыя: У 18 т. Т. 11: Мугір — Паліклініка / Рэдкал.: Г. П. Пашкоў і інш. — Мн. : БелЭн, 2000. — Т. 11. — 560 с. — 10 000 экз. — ISBN 985-11-0035-8. — ISBN 985-11-0188-5 (т. 11).