Пажарна-прыкладны спорт

З пляцоўкі Вікіпедыя
Jump to navigation Jump to search
2012. Stamp of Belarus 34-2012-08-30-m.jpg

Пажарна-прыкладны спорт (ППС) — від спорту, добра развіты ў краінах былога СССР. Паступова набірае папулярнасць за мяжой. Яго мэтай таксама з'яўляецца падрыхтоўка пажарных і ратавальнікаў да выканання дзеянняў па прызначэнні.

Гісторыя[правіць | правіць зыходнік]

Першыя спаборніцтвы, у якія былі ўключаны пажарна-прыкладныя практыкаванні, адбыліся яшчэ ў далёкім 1937 годзе. Гэта былі спаборніцтвы пажарнай аховы НКВД. У 1945 годзе былі распрацаваны правілы спаборніцтваў па ППС і праграма Усесаюзных асабіста-камандных спаборніцтваў пажарнай аховы МУС СССР. Пазней Прэзідыум Цэнтральнага савета па фізкультуры і спорту прыняла пастанову «Аб уключэнні ППС у Адзіную Ўсесаюзную спартыўную класіфікацыю», што давала спартсменам права на атрыманне спартыўнага разраду, званні майстры спорту і кандыдаты ў майстры спорту. А пасля ўводу ў эксплуатацыю закрытых зімовых комплексаў стала магчымым правядзенне спаборніцтваў не толькі летам, але і ў зімовы перыяд.

ППС у Украіне[правіць | правіць зыходнік]

Украіна з 2002 года — член Міжнароднай спартыўнай федэрацыі пажарных і ратавальнікаў (далей — МСФПР), у склад якой уваходзіць 19 краін свету. Зборная каманда МНС па пажарна-прыкладному спорту, якая прадстаўляе Украіну на міжнароднай арэне не раз станавілася прызёрам чэмпіянатаў свету і Еўропы, а таксама чэмпіёнам і прызёрам многіх міжнародных спаборніцтваў. На сёння самымі маштабнымі ўсеўкраінскімі спаборніцтвамі па ППС з'яўляецца Кубак Чарнобыля (у горадзе Вішнёвым Кіеўскай вобласці), зімовы і летні чэмпіянаты Украіны. Першыя дванаццаць каманд па выніках чэмпіянату прымаюць удзел у розыгрышы Кубка Украіны, а каманда-пераможца адпраўляецца на міжнародныя спаборніцтвы. Згодна з пратакольным рашэннем IX Міжнароднай канферэнцыі МСФПР, якая адбылася 13 лістапада 2008 года ў г. Баку Рэспублікі Азербайджан, Украіне было прадастаўлена права ўпершыню ў гісторыі развіцця пажарна-прыкладнога спорту правядзенне VI Чэмпіянату свету па пажарна-выратавальным спорце. Падчас цырымоніі закрыцця V чэмпіянату свету па пажарна-выратавальным (прыкладным) спорце, які адбыўся ў верасні 2009 года ў г. Уфе Расійскай Федэрацыі, спартыўнай дэлегацыі Украіны быў урачыста ўручаны сцяг спаборніцтваў. У 2010 годзе ў Украіне ў горадзе Данецку ён быў праведзены.