Палацца Мадама

Славутасць
Палацца Мадама
італ.: Palazzo Madama e Casaforte degli Acaja
45°04′15″ пн. ш. 7°41′09″ у. д.
Краіна	Італія
Месцазнаходжанне	Турын
Сайт	palazzomadamatorino.it/en
Медыяфайлы на Вікісховішчы

Пра аднайменны палац у Рыме гл. Палацца Мадама, Рым.

Палацца Мадама (Palazzo Madama) — палацавы комплекс у Турыне, пабудаваны на месцы старажытнарымскага лагера з выкарыстаннем умацаванняў таго часу. Фасад палацца, завершаны ў 1721 годзе, — сухаваты ўзор паўночнаітальянскага барока ў трактоўцы Філіпа Ювара. Тыльны бок будынка захоўвае аблічча змрочнага сярэднявечнага замка, з круглымі вежамі па вуглах, які ён набыў у XV стагоддзі.

У розны час палацца служыла рэзідэнцыяй малодшай галіне Савойскага дому, рэгентш-удоў (адсюль назва), для размяшчэння гасцей кіруючага манарха, як месца знаходжання каралеўскай мастацкай галерэі, п’емонцкага парламента і вярхоўнага суда. З 1934 года ў будынку размяшчаецца музей старажытнага мастацтва, асабліва багаты экспанатамі з Гандхары.

У ліку іншых рэзідэнцый Савойскай дынастыі палацца Мадама знаходзіцца пад аховай ЮНЕСКА як помнік Сусветнай спадчыны.

Сярэднявечнае крыло рэзідэнцыі		Парадная лесвіца		Барочны фасад Ювары

Спасылкі

• Афіцыйны сайт музея ў палацца Мадама
• На Вікісховішчы ёсць медыяфайлы па тэме палацца Мадама