Паліксена
| Паліксена | |
|---|---|
 Ахвярапрынашэнне Паліксены, VI ст. да н .э. | |
| Траянская прынцэса | |
| Міфалогія | Старажытнагрэчаская |
| Пол | жанчына |
| Бацька | Прыям |
| Маці | Гекуба |
| Браты і сёстры | Парыс, Касандра, Гектар, Polydorus[d], Laodice[d] і Гелен з Троі |
 Медыяфайлы на Вікісховішчы | |
Паліксе́на (стар.-грэч.: Πολυξένη) — гераіня Эпічнага цыкла, прысвечанага Траянскай вайне. Дачка траянскага валадара Прыяма.
У пачатку вайны Паліксена і яе брат Троіл трапілі ў засаду Ахіла. Троіл схаваўся ў храме Апалона, але быў знойдзены і забіты. Паліксена выратавалася.
На дзесяты год вайны, пасля канфлікта Ахіла з Агамемнанам, Паліксена прапанавала Ахілу сустрэчу ў храме, дзе загінуў яе брат. Ахіл быў зацікаўлены дзяўчынай і пагадзіўся. Падчас перамоваў ён прызнаўся ёй, што можа быць забіты ў пяту. Гэта падслухаў Парыс, які стрэліў у Ахіла з лука і смяротна параніў у пяту.
Дух Ахіла звярнуўся да яго сына Неапталема з патрабаваннем прынесці Паліксену ў ахвяру. Пасля падзення Троі яна была забіта па адной версіі — на магіле Ахіла, па другой версіі — на ўзбярэжжы Фракіі.