Парламенцкія выбары ў Сірыі (2020)
Парламенцкія выбары ў Сірыі для абрання членаў Народнага савета Сірыі адбыліся 19 ліпеня 2020 года, хоць павінны былі прайсці яшчэ 13 красавіка 2020 года. Аднак 14 сакавіка яны былі перанесены на 20 мая з-за сусветнай пандэміі караравіруснай інфекцыі COVID-19[1]. 7 мая было вырашана адкласці выбары на яшчэ больш позні тэрмін да 19 ліпеня[2].
Абвяшчэнне вынікаў было адкладзена, так як давялося паўторна правесці пералік у 5 з больш чым 7000 выбарчых акругаў. Галасаванне прайшло на 70% тэрыторыі Сірыі, дзе захоўваўся кантроль урадавых сіл[3].
Яўка выбаршчыкаў па ўсёй краіне склала 6 224 687 грамадзян, то ёсць 33,17%. Зніжэнне яўкі выбаршчыкаў сірыйскі ўрад звязаў з пандэміяй COVID-19 у Сірыі[4]. Назіральнікі пагадзіліся з тым, што смяротная пандэмія значна паўплывала на яўку выбаршчыкаў, але дадалі, што гэтаму таксама паспрыялі тэракты ў дзень выбараў, беднасць ў ваенны час і няўпэўненасць ў здольнасці парламента пакласці канец крызысу, які ахапіў Сірыю з пачатку грамадзянскай вайны ў краіне[5].
Праўрадавы блок партый «Нацыянальны прагрэсіўны фронт» і яго саюзнікі атрымалі 177 месцаў з 250[6].
Гл. таксама[правіць | правіць зыходнік]
Зноскі
- ↑ Syria elections postponed over coronavirus
- ↑ For 2nd Time, Syrian Elections Delayed Over Coronavirus
- ↑ Syrian parliament vote issues postpone release of results(недаступная спасылка). Архівавана з першакрыніцы 20 ліпеня 2020. Праверана 31 ліпеня 2020.
- ↑ Decrease in participation in People’s Assembly elections due to coronavirus, presence of Syrians abroad
- ↑ Syrian Parliament Elections: Modest Turnout, Lack of Confidence
- ↑ Ruling Baath party wins Syria parliamentary elections