Пармелія

Пармелія
Пармелія баразнаватая (Parmelia sulcata)
Навуковая класіфікацыя
прамежныя рангі Дамен:  Эўкарыёты Царства:  Грыбы Падцарства:  Вышэйшыя грыбы Аддзел:  Аскамікота Пададдзел:  Pezizomycotina Клас:  Lecanoromycetes Падклас:  Lecanoromycetidae Парадак:  Леканаральныя Сямейства:  Пармеліевыя Род:  Пармелія
Міжнародная навуковая назва
Parmelia Ach., 1803
Тыпавы від
Parmelia saxatilis (L.) Ach., 1803
Сістэматыка на Віківідах Выявы на Вікісховішчы ITIS   14009 NCBI   87260 EOL   16320 MB   3730

Пармелія (Parmelia) — род ліставатых лішайнікаў сямейства пармеліевых.

Апісанне

Слаявіна ліставатая. Зверху жаўтавата-зеленаватая, шэрая, зялёна-бурая, з сарэдыямі, радзей з пладовымі целамі (апатэцыямі), знізу белая, карычневая ці чорная, прымацаваная да субстрату. Споры па 8 у сумцы, бясколерныя, аднаклетачныя. Фотабіёнт — водарасць з роду трэбуксія (Trebouxia).

Арэал

Род аб'ядноўвае 10 відаў. Пашыраны ўсюды, на Беларусі сустракаюцца пармелія баразнаватая (Parmelia sulcata) і пармелія скальная (Parmelia saxatilis). Трапляюцца ў лясах на ствалах дрэў, валунах.

Выкарыстоўваюцца для атрымання антыбіётыкаў.

Літаратура

• Галубкоў У. Пармелія // БЭ ў 18 т. Т. 12. Мн., 2001.