Партызанскі атрад імя Сяргея
| Партызанскі атрад імя Сяргея | |
|---|---|
| Гады існавання | 1942—1944 |
| Краіна |
 СССР Беларуская ССР РСФСР |
| Падпарадкаванне | Беларускі штаб партызанскага руху |
| Уваходзіць у | Партызанская брыгада імя К. К. Ракасоўскага |
| Тып | партызаны |
| Функцыя | змаганне з нямецкімі акупацыйнымі сіламі |
| Колькасць |
56 партызан (май 1942) [1]196 партызан (ліпень 1944) |
| Дыслакацыя | Себежскі раён Калінінскай вобласці РСФСР, Расонскі, Асвейскі, Дрысенскі раёны БССР |
| Войны |
Другая сусветная вайна Вялікая Айчынная вайна |
Партызанскі атрад імя Сяргея — савецкі партызанскі атрад, створаны 8 студзеня 1942 года ў Себежскім раёне Калінінскай вобласці РСФСР на базе групы ваеннаслужачых-акружэнцаў на чале з Сяргеем Барысавічам Майсеенкам, якая на тэрыторыі Беларускай ССР папоўнілася мясцовымі групамі[1]. З мая 1942 года пачала насіць назву атрад імя Сяргея, у гонар загінулага 18 мая 1942 года камандзіра атрада С. Б. Майсеенкі[1].
Гісторыя дзейнасці[правіць | правіць зыходнік]
Да ліпеня 1942 года атрад дзейнічаў самастойна, аднак у некаторых крыніцах указана, што 21 мая 1942 года ў сувязі з недахопам зброі і для актывізацыі баявых дзеянняў адбылося аб’яднанне атрадаў імя Сяргея і «Дубняка» (налічваў 70 чалавек)[1]. Рашэнне аб аб’яднанні было прынята на агульным сходзе партызан двух атрадаў у в. Мыленкі (Асвейскі раён). Камандзірам аб’яднанага падраздзялення быў выбраны С. Х. Каракін[1]. Да аб’яднання атрад налічваў 56 чалавек. Новаствораны атрад атрымаў назву «Сяргееўскі»[1].
12 чэрвеня 1942 года партызанскі атрад І. К. Захарава і «Сяргееўскі» агульнай колькасцю да 200 чалавек нанеслі ўдар па мястэчку Полішчына, якое служыла акупантам базай для барацьбы з партызанамі і мясцовым насельніцтвам[1].
У ліпені 1944 года атрад у складзе 196 чалавек злучыўся з Рабоча-сялянскай Чырвонай Арміяй.
Камандзіры[правіць | правіць зыходнік]
- Сяргей Барысавіч Майсееенка (студзень—18 мая 1942 года; загінуў)
- Сцяпан Харлампіевіч Каракін (май—чэрвень 1942 года)
- Мікалай Сцяпанавіч Сянько (кастрычнік 1942—сакавік 1943 гадоў)
- Шайхуш Нігамаевіч Нігамаеў (сакавік—лістапад 1943 года)
- Іван Мікалаевіч Лысоў (лістапад 1943—ліпень 1944 гадоў)
Камісары[правіць | правіць зыходнік]
- Разітдзін Інсафутдзінавіч Інсафутдзінаў (студзень—май 1942 года)
- І. І. Ускоў (май 1942 года)[1]
- Дзяніс Уладзіміравіч Казлоўскі (ліпень 1942 года; загінуў)
- Канстанцін Канстанцінавіч Базыленка (жнівень 1942 года)
- Аляксандр Сяргеевіч Поснікаў (жнівень—верасень 1942 года)
- в. а. Шайхуш Нігамаевіч Нігамаеў (кастрычнік—снежань 1942 года)
- Васіль Ягоравіч Кручкоў (снежань 1942—чэрвень 1943 гадоў; загінуў)
- Іван Міхайлавіч Лысоў (чэрвень—лістапад 1943 года)
- Васіль Іванавіч Сяркоў (лістапад 1943—сакавік 1944 гадоў)
- Мікалай Фёдаравіч Грыгор’еў (сакавік—ліпень 1944 года)
Начальнікі штаба[правіць | правіць зыходнік]
- Мікалай Андрэевіч Кічасаў (студзень—май 1942 года)
- Васіль Іванавіч Сяркоў (ліпень 1942—лістапад 1943 гадоў)
- Сцяпан Іванавіч Кісялёў (лістапад 1943 года; загінуў)
- Павел Іванавіч Сувораў (лістапад 1943—сакавік 1944 гадоў)
- Васіль Іванавіч Сяркоў (сакавік—ліпень 1944 года)
Зноскі
- ↑ а б в г д е ё ж Крыварот, А. А. Узаемадзеянне партызанскіх груп, атрадаў і брыгад Беларусі, Калінінскай вобласці, Латвіі па стварэнні Расонка-Асвейскай партызанскай зоны / А. А. Крыварот // Расонскі край: гісторыя, культура, людзі: да 100-годдзя з дня нараджэння П. М. Машэрава: зборнік навуковых артыкулаў / Нацыянальная акадэмія навук Беларусі, Інстытут гісторыі, Расонскі раённы выканаўчы камітэт. — Мінск: Беларуская навука, 2020. — 225, [1] с., [3] л. каляр. іл., партр. — С. 102—113. — (Беларусь праз прызму рэгіянальнай гісторыі). — ISBN 978-985-08-2543-8.
Літаратура[правіць | правіць зыходнік]
- Всенародная борьба в Белоруссии против немецко-фашистских захватчиков в годы Великой Отечественной войны: в 3 т. / [Институт истории партии при ЦК КПБ ― Филиал Института марксизма-ленинизма при ЦК КПСС. Т. 1: [Начало войны ― осень 1942 г.] / Л. В. Аржаева и др. — Минск: Беларусь, 1983. — 590, [1] с., [59] л. ил., портр., факсим., карт: ил. — С. 493.
- Памяць: Гісторыка-дакументальная хроніка Расонскага раёна / Беларуская энцыклапедыя. — Мн.: Беларуская Энцыклапедыя імя П. Броўкі, 1994. — 557 с. — С. 143—144. — ISBN 5-85700-118-8.