Партыя камуністаў Рэспублікі Малдова

Партыя камуністаў Рэспублікі Малдова
малд.: Partidului Comunistilor din Republica Moldova, PCRM
Лідар	Уладзімір Варонін
Дата заснавання	22 кастрычніка 1993
Штаб-кватэра	Малдова, Кішынёў, вул. Нікалае Ёрга, 11
Краіна	Малдова
Ідэалогія	камунізм
Інтэрнацыянал	Еўрапейскія левыя, СКП-КПСС
Колькасць членаў	каля 30 000 (сакавік 2011)
Месцаў у парламенце	8 / 101
Месцаў у муніцыпальных і раённых саветах	47 / 1108
Партыйны друк	штотыднёвая газета «Камуніст»
Сайт	pcrm.md
Медыяфайлы на Вікісховішчы

Партыя камуністаў Рэспублікі Малдова (малд.: Partidul Comuniştilor din Republica Moldova) — адна з палітычных партый Малдовы. З 1998 па 2014 год з’яўлялася самай буйной партыяй у складзе малдаўскага парламента. У 2001—2009 гадах знаходзілася пры ўладзе ў краіне, маючы большасць месцаў у парламенце. Станам на 2025 год партыя займае 8 месцаў (з 101) у парламенце і знаходзіцца ў апазіцыі да кіроўнай партыі. Адзіная камуністычная партыя ў краінах былога СССР, якая здолела стаць кіруючай. Уваходзіць у склад партыі еўрапейскіх левых і СКП-КПСС.

Праграма партыі

У праграме ПКРМ заяўляецца пра прыхільнасць каштоўнасцям камунізму і інтэрнацыяналізму. Аж да выбараў 2001 года сярод галоўных кірункаў палітыкі ПКРМ значылася збліжэнне з Расіяй, аднак па меры знаходжання камуністаў ва ўладзе ў іх дзейнасці сталі ўзмацняцца акцэнты на еўрапейскую інтэграцыю і збліжэнне з Еўрасаюзам.

Праграма партыі на парламенцкіх выбарах 2009 года

У праграму партыі на перыяд 2009—2013 гг. уваходзіць чатыры стратэгічныя прыярытэты:

• пабудова сацыяльнай дзяржавы,
• эканамічнае абнаўленне,
• інтэграцыйная адкрытасць,
• бяспека краіны і грамадзянскае адзінства.

Праграма партыі на датэрміновых парламенцкіх выбарах 2010 года

У праграму партыі на перыяд 2010—2015 гг. уваходзіць тры стратэгічныя прыярытэты:

• Сацыяльная рэканструкцыя:

1. развіццё страхавой медыцыны
2. план чалавечага развіцця
3. аднаўленне сацыяльных гарантый
4. абарона мацярынства

• Эканамічная мадэрнізацыя:

1. субсідаванне сельскай гаспадаркі
2. мадэрнізацыя інфраструктуры
3. прыцягненне капіталу

• Бяспека і грамадзянскае адзінства:

1. еўрапейскія волі і стандарты
2. стратэгічнае партнёрства з Расіяй
3. малдаўская ідэнтычнасць
4. тэрытарыяльная цэласць Малдовы

Спасылкі

• Афіцыйны сайт партыі Архівавана 6 жніўня 2011.
• Афіцыйны сайт партыйнай газеты Архівавана 14 жніўня 2011.
• Інфармацыя пра партыю (англ.) (рум.)