Перыферыйная прылада
Перыферыйная прылада (англ.: Peripheral device) — апаратура, якая дазваляе ўводзіць інфармацыю ў камп’ютар альбо выводзіць яе з яго[1].
Перыферыйныя прылады з’яўляюцца апцыянальнымі і тэхнічна могуць быць адключаны ад камп’ютара без страты яго працаздольнасці. Аднак пераважная большасць камп’ютараў выкарыстоўваецца разам з тымі ці іншымі перыферыйнымі прыладамі.
Вылучаюць тры асноўныя тыпы перыферыйных прылад:
- Прылады ўводу (англ.: input device), якія ўжываюцца для ўводу інфармацыі ў камп’ютар: мыш, клавіятура, сэнсарны экран, сканер, вэб-камера ці прылада відэазахопу
- Прылады вываду (англ.: output device), напрыклад, маніторы, прынтары
- Прылады захоўвання, якія патрэбны для захоўвання інфармацыі, апрацаванай камп’ютарам:
- Цвёрды дыск (англ.: Hard Disk Drive, HDD)
- Цвёрдацельны назапашвальнік (англ.: Solid-State Drive, SSD)
- Накапляльнік на гнуткіх магнітных дысках (НГМД)
- Стужкавыя і дыскавыя накапляльнікі
- USB-flash-накапляльнік
- Сеткавае сховішча (англ.: Network Attached Storage, NAS)
Часам перыферыйная прылада належыць да некалькіх тыпаў, напрыклад, Прылада ўводу-вываду.
Прыклады
[правіць | правіць зыходнік]Звычайна перыферыйнай прыладай завуць дапаможнае абсталяванне, такое як камп’ютарная мыш альбо клавіятура, якія тым ці іншым спосабам падключаюцца да камп’ютара і працуюць сумесна з ім. Карткі пашырэння, нават відэакарткі[2], таксама належаць да перыферыі, яны падключаюцца па шынах ISA, PCI, PCI-X, PCI-express і іншых.
Аператыўная памяць (RAM, памяць з адвольным доступам) з’яўляецца памежным выпадкам. Нягледзячы на тое, што яна часта падключаецца да персанальных камп’ютараў і сервераў у выглядзе асобных плат (з інтэрфейсам SDRAM, DDR, DDR2 і інш.), яна з’яўляецца абавязковым кампанентам, без якога камп’ютар не можа функцыянаваць.
Гл. таксама
[правіць | правіць зыходнік]Зноскі
- ↑ Laplante, Philip A. (Dec 21, 2000). Dictionary of Computer Science, Engineering and Technology. CRC Press. p. 366. ISBN 0-8493-2691-5. Праверана June 17, 2014. «device that is used to put information into or get information out of the computer.»
- ↑ http://www.pcworld.com/article/200349/Adding_RAM_and_Cards_to_a_PC.html
 Тэхналогіі лічбавых працэсараў | |||||||||
|---|---|---|---|---|---|---|---|---|---|
| Архітэктура | |||||||||
| Паралелізм |
| ||||||||
| Рэалізацыі | |||||||||
| Кампаненты | Barrel shifter · FPU · BSB · MMU · TLB · Рэгістравы файл · control unit · Арыфметычна-лагічная адзінка · Дэмультыплексар · Мультыплексар · Мікракод · Тактавая частата · Корпус · Рэгістры · Кэш (Кэш працэсара) | ||||||||
| Кіраванне сілкаваннем | |||||||||
Слоўнікі і энцыклапедыі | |
|---|---|
| Нарматыўны кантроль |