Стрымер

Накапляльнік для хатніх камп’ютараў LCR-C (ГДР)

Стрымеры камп’ютара DEC PDP-8 на магнітнай стужцы

стужачны накапляльнік стандарту LTO і картрыдж LTO-2 да яго

Сістэма StorageTek у Цэнтры інфармацыйных тэхналогій імя Конрада Цузэ ў Берліне

Стры́мер, стужачны накапляльнік (ад англ.: streamer — доўгая вузкая стужка) — адзін з накапляльнікаў інфармацыі для ЭВМ, запамінальная прылада паслядоўнага запісу на магнітную стужку.

Стрымеры прызначаны для аператыўнага і архіўнага захоўвання, рэзервовага капіравання вялікіх аб’ёмаў інфармацыі. Канструктыўна стрымер складаецца з прылады запісу і счытвання інфармацыі і носьбіта інфармацыі (магнітнай стужкі). Адрозніваюцца па тыпу картрыджа (касеты) з магнітнай стужкай, відам магнітных галовак, колькасці дарожак запісу і спосабу запісу (лінейны або нахільна-строкавы), стандартам сціскання даных. Прынцып дзеяння стрымераў аналагічны магнітафону (іх часам называюць лічбавымі магнітафонамі). Для захоўвання вялікіх аб’ёмаў дадзеных на аснове стрымераў арганізуюцца стужачныя бібліятэкі.

Станам на снежань 2020 года дасягнута шчыльнасць запісу 317 ГБ на квадратны дзюйм. Кампаніі IBM і Fujifilm распрацавалі стужачны накапляльнік, здольны змяшчаць 580 ТБ інфармацыі.

Добрыя якасці і недахопы

Стрымеры валодаюць вялікай ёмістасцю, нізкім коштам і шырокімі ўмовамі захоўвання інфармацыйнага носьбіта (картрыджа), стабільнасцю працы, добрай надзейнасцю, нізкім энергаспажываннем у стужачнай бібліятэцы вялікага аб’ёму.

Недахопы стрымераў — параўнальна высокі кошт прылады запісу і вялікі час доступу да даных, паколькі магнітную стужку даводзіцца перамотваць датуль, пакуль не будзе знойдзены патрэбны файл.

Літаратура

• Сільноў Л. В., Савік М. П. Стрымер // Беларуская энцыклапедыя: У 18 т. Т. 15: Следавікі — Трыо / Рэдкал.: Г. П. Пашкоў і інш. — Мн. : БелЭн, 2002. — Т. 15. — С. 216. — 10 000 экз. — ISBN 985-11-0035-8. — ISBN 985-11-0251-2 (т. 15).
• Издательский словарь-справочник : [Всесторон. информ. по изд. делу] / А. Э. Мильчин. — 2. изд., испр. и доп. — М.: ОЛМА-Пресс, 2003 (ПФ Красный пролетарий). — 558, [1] с. : ил., портр., табл.; 22 см; ISBN 5-224-04560-6 (в пер.). (руск.)

Спасылкі

• На Вікісховішчы ёсць медыяфайлы па тэме Стрымер
• Пройдаков Э. М. Стример в вычислительной технике (руск.) (Праверана 14 чэрвеня 2023) // Навукова-адукацыйны партал «Большая российская энциклопедия»
• Зелевич Е. П., Трыков Г. К. Итоги столетия магнитной записи // Виртуальный компьютерный музей (руск.) (Праверана 14 чэрвеня 2023)
• Основные технологии ленточных накопителей (стримеров) (руск.) (Праверана 14 чэрвеня 2023)
• Стример: назад в будущее хранения данных (руск.) (Праверана 14 чэрвеня 2023)
• Лента — всё ещё лидер в резервном копировании данных (руск.) (Праверана 14 чэрвеня 2023)
• Ленточные накопители информации // История науки и техники (руск.) (Праверана 14 чэрвеня 2023)
• Борзенко А. Развитие формата LTO Ultrium (руск.) (Праверана 14 чэрвеня 2023)