Помнік беларускім лётчыкам у Маленчыне
| Помнік | |
| Помнік беларускім лётчыкам у Маленчыне | |
|---|---|
.jpg) | |
| 51°22′26″ пн. ш. 21°15′10″ у. д.HGЯO | |
| Краіна | |
| Месцазнаходжанне | |
| Вышыня | 2 м |
 |
|
Помнік беларускім лётчыкам у Маленчыне — памятны камень, устаноўлены 11 красавіка 2010 года ў польскай вёсцы Маленчын ля Радаму беларускім лётчыкам Аляксандру Марфіцкаму і Аляксандру Жураўлевічу, што трагічна загінулі на міжнародным авіяшоу ў 2009 годзе [1].
Гісторыя[правіць | правіць зыходнік]
Ініцыятарамі ўшанавання памяці афіцэраў выступілі настаяцель мясцовага прыходу і жыхары Маленчына, іх ідэю падтрымалі камандаванне Ваенна-паветраных сіл Польшчы і мясцовыя ўлады[1]. 28 верасня 2009 года Рада гміны Гузд прыняла ўхвалу аб будаўніцтве помніка лётчыкам, які меў на мэце ўшанаваць трагічную і гераічную смерць лётчыкаў беларускага Су—27[2]. За часам цырымоніі войт гміны Гузд Адам Яблоньскі і шэф штабу, намеснік кіраўніка паветраных сіл Польшчы генерал дывізіі Кшыштаф Заленскі выказалі меркаванні, што лётчыкі адмыслова не катапультаваліся, каб адвесці самалёт ад населенага пункта[3].
У цырымоніі адкрыцця прыняла ўдзел таксама дэлегацыя войскаў Беларусі з Ігарам Азаронкам[4], прадстаўнікі дыпламатычнага корпусу, члены сем’яў загінулых[1], радамскія палітыкі мясцовага самакіравання і некаторыя жыхары навакольных вёсак[5]. У цырымоніі ўдзельнічалі таксама: рэпрэзентацыйная кампанія Войска Польскага і вайсковы аркестр з Дэмбліна, а таксама польская акрабатычная авіягрупа[5]. Помнік асвяціў каталіцкі біскуп радамскі Генрык Тамасік супольна з намеснікам праваслаўнага ардынарыуша Войска Польскага біскупам палкоўнікам Міхалам Дудзічам. У цырымоніі мелі ўдзельнічаць кіраўнік паветраных войскаў Польшчы Анджэй Бласік і праваслаўны ардынарыуш біскуп Мірон, але яны днём раней загінулі ў смаленскай авіякатастрофе[3].
Удзельнікі цырымоніі хвілінай цішыні ўшанавалі памяць загінулых у смаленскай авіякатастрофе[4].
Агульныя звесткі[правіць | правіць зыходнік]
Помнік, праекціроўшчыкам якога з’яўляецца радамянка Анна Рудніцкая[4], устаноўлены на месцы падзення самалёта[1]. Гранітная аснова нагадвае контур Су-27 з двума крыжамі — праваслаўным і каталіцкім. Хрысціянскія сімвалы зробленыя з металу рухавіка пацярпелага крушэнне самалёта. Вышыня помніка — больш за 2 м, на п’едэстале — надпісы на беларускай і польскай мовах[1].
Зноскі
- ↑ а б в г д Помнік беларускім лётчыкам ўрачыста адкрыты ў польскім Радаме // Наша Ніва, 11 красавіка 2010
- ↑ Uchwała Nr XLVI/217/2009 Rady Gminy Gózd z dnia 28 września 2009 r. (польск.)
- ↑ а б Notatka na oficjalnej stronie Sił Powietrznych RP(недаступная спасылка) (польск.)
- ↑ а б в Odsłonięto pomnik upamiętniający białoruskich lotników Архівавана 21 ліпеня 2015. // gazeta.pl, 2010-04-11 (польск.)
- ↑ а б K. Piotrowska, Poświęcili własne życie // Gość Radomski, 25 kwietnia 2010, str. 6 (польск.)