Праспект Кастрычніка (Гомель)

Кастрычніка
Праспект
Гомель
Кастрычніка; Праспект; Гомель
Агульная інфармацыя
Краіна	Беларусь
Рэгіён	Гомельская вобласць
Горад	Гомель
Раён	Савецкі
Гістарычны раён	Давыдаўка, Падгорная, Сонечны
Працягласць	2 960 ± 1 м;
Тралейбусныя маршруты	2, 6, 8, 11, 12, 14, 24, 27
Аўтобусныя маршруты	20, 26, 42, 42а, 52, 62, 63
Ранейшыя назвы	Быхаўская (часткова)
Паштовы індэкс	246000, 246012, 246029, 246036 і 246046
	на Яндэкс.Картах
	Медыяфайлы на Вікісховішчы

Праспект Кастрычніка — праспект у паўднёва-заходняй частцы Гомеля (Савецкі раён). Частка Быхаўскай вуліцы, у 1977 годзе перайменаваная ў адзначэнне 60-годдзя Кастрычніцкай рэвалюцыі 1917 года. Пачынаецца ад скрыжавання Быхаўскай вуліцы з вуліцай Багдана Хмяльніцкага, канчаецца на падыходзе да Медгарадка.

Гісторыя

На месцы сучаснага праспекта Кастрычніка раней размяшчаліся:

пасёлак Сонечны (раён каля скрыжавання праспекта Кастрычніка і вуліцы Карбышава)^{[крыніца?]}
вёска Давыдаўка
вёска Падгорная

Таму забудова будучага праспекта была сядзібнай 1-2-павярховай. Сучасны выгляд вуліцы пачаў фармавацца ў 1960-1980-я гады.

З 1968 года пачалася інтэнсіўная забудова будучага праспекта 5-ціпавярховымі жылымі дамамі, а ў пачатку-сярэдзіне 1970-х гадоў яшчэ і 9-ціпавярховымі дамамі.

Да канца 1980-х гадоў вуліца заканчвалася ў месцы цяперашняга скрыжавання з вуліцай Студэнцкай.

У пачатку-сярэдзіне 1990-х гадоў вядзецца забудова мікрараёна № 51, і частка жылых дамоў будуецца на цотным баку праспекта Кастрычніка (паміж Студэнцкім праездам і вуліцай Косарава).

У 2007 годзе ў склад Гомеля ўключылі вёску Давыдаўку, цэнтральная вуліца якой «падоўжыла» праспект да Аб’язной дарогі.

Забудова

Праспект Кастрычніка 46 (сярэдзіна 2010-х)

Дзіцячыя сады № 29, № 99
Маторарамонтны завод,
Гомельскі дзяржаўны тэхнічны ўніверсітэт імя П. В. Сухога,
Міжнародны інстытут працоўных і сацыяльных адносін
Хіміка-тэхналагічны каледж
Сярэдняя школа № 61 (пр-т Кастрычніка 70)
Сярэдняя школа № 69 (пр-т Кастрычніка 72)
аптэка № 192 (пр-т Кастрычніка 87а),
2 аддзялення і філіял аддзялення сувязі,
лазня,
хімчыстка,
кнігарня
і іншае.

Цотны бок

№ 50 — галоўны корпус і бібліятэка Беларускага гандлёва-эканамічнага ўніверсітэта спажывецкай кааперацыі (архітэктары В. Шаўчэнка, Л. Крукоўскі)^[1].

Перасякае вуліцы

Перспектывы

Згодна з Генеральным планам развіцця Гомеля, у перспектыве на цотным баку вуліцы, у раёне скрыжавання з вуліцай Косарава, плануюць знос сядзібнай забудовы і будаўніцтва некалькіх 9-ці павярховых дамоў, будаўніцтва першых дамоў пачалося ў 2024 годзе. Наступным этапам будзе знос індывідуальнай сядзібнай забудовы паміж інтэрнатам Кааператыўнага ўніверсітэта і вуліцай Студэнцкай, першы дом пабудаваны на пустцы ў пачатку 2020-х.

Крыніцы

↑ Архитекторы Советской Белоруссии: Биогр. справочник / Союз архитекторов БССР; Сост. В. И. Аникин и др. — Мн.: Беларусь, 1991. — 262 с. — ISBN 5-338-00611-1. (руск.)

Літаратура

Гомель. Энцыклапедычны даведнік. — Мн.: БелСЭ, 1991. — 527 с.

Спасылкі

На Вікісховішчы ёсць медыяфайлы па тэме Праспект Кастрычніка (Гомель)

[1] Архитекторы Советской Белоруссии: Биогр. справочник / Союз архитекторов БССР; Сост. В. И. Аникин и др. — Мн.: Беларусь, 1991. — 262 с. — ISBN 5-338-00611-1. (руск.)

[1]