Пётр Аляксеевіч Данілаў

Пётр Аляксеевіч Данілаў
Пётр Алексеевич Данилов
Дата нараджэння	15 кастрычніка 1915(1915-10-15)
Месца нараджэння	Q23848160?, Крапівінскі павет[d], Тульская губерня, Расійская імперыя
Дата смерці	21 лютага 1944(1944-02-21) (28 гадоў)
Месца смерці	Быхаўскі раён, Магілёўская вобласць, БССР, СССР
Месца пахавання	Доўск
Грамадзянства	СССР
Прыналежнасць	СССР
Званне	Маёр
Бітвы/войны	Вялікая Айчынная вайна
Узнагароды і званні
Медыяфайлы на Вікісховішчы

Пётр Аляксеевіч Данілаў (15 кастрычніка 1915 — 21 лютага 1944) — удзельнік Вялікай Айчыннай вайны, памочнік начальніка палітаддзела 3-й арміі Беларускага фронту па працы сярод камсамольцаў, маёр. Герой Савецкага Саюза (пасмяротна, 1944).

Біяграфія

Нарадзіўся 2 кастрычніка (15 кастрычніка па новым стылі) 1915 года ў в. Малая Агароўка Расійскай імперыі, цяпер Цепла-Агароўскага раёна Тульскай вобласці, у сям’і селяніна. Рускі.

Скончыў 7 класаў і Арзамаскі тэхнікум механізацыі сельскай гаспадаркі (па іншых дадзеных — Багаслоўскі сельскагаспадарчы тэхнікум). Працаваў загадчыкам агульным аддзелам райвыканкама, інструктарам райкама камсамола. У Чырвонай Арміі з 1937 г., член ВКП(б) з 1937 года.

З пачаткам Вялікай Айчыннай вайны ў дзеючай арміі. Памочнік начальніка палітаддзела 3-й арміі Беларускага фронту па працы сярод камсамольцаў маёр Пётр Данілаў у лютым 1944 года правёў вялікую працу па падрыхтоўцы партыйнай і камсамольскай арганізацый 283-й стралковай дывізіі да фарсіравання Дняпра. На плацдарме асабістым прыкладам падняў байцоў у атаку. Быў паранены, але не пакінуў поля бою.

Загінуў у баі 21 лютага 1944 года. Пахаваны ў брацкай магіле савецкіх воінаў у вёсцы Доўск Рагачоўскага раёна Гомельскай вобласці. У 1958 годзе на брацкай магіле быў усталяваны помнік—скульптура П. А. Данілава.

Узнагароды

• Званне Героя Савецкага Саюза прысвоена 23 ліпеня 1944 года пасмяротна.
• Узнагароджаны ордэнамі Леніна і Чырвонай Зоркі, а таксама медалямі.

Памяць

• Імя Героя высечана на абеліску Героям Савецкага Саюза, устаноўленым у горадзе-героі Тула.
• Яго імя носяць сярэдняя школа ў в. Спаскае Цепла-Агароўскага раёна і вуліца ў Доўску.

Спасылкі

Антон Бачароў. Данілаў Пётр Аляксеевіч. Сайт «Героі краіны». Праверана 10 верасня 2016.

• Данілаў Пётр Аляксеевіч.
• Данілаў Пётр Аляксеевіч Архівавана 7 студзеня 2017..