Раб (Нацыянальны мастацкі музей Рэспублікі Беларусь)

З пляцоўкі Вікіпедыя
Jump to navigation Jump to search
Аляксандр Грубэ
Раб. 1928
Матэрыял драўніна
Тэхніка разьба
Памеры 130×66 × 89 см
Нацыянальны мастацкі музей Рэспублікі Беларусь, Мінск

Раб — адна з чатырох даваенных драўляных скульптур А. Грубэ ў калекцыі Нацыянальнага мастацкага музея Рэспублікі Беларусь, што ацалелі ў часы Вялікай Айчыннай вайны. У гады вайны музей быў разрабаваны нацыстамі, але драўляныя скульптуры не былі крануты і так і прастаялі ў памяшканні музея[1].

«Раб» зроблены ў 1928 годзе з суцэльнага кавалка ліпы, якая расла ў Аляксандраўскім скверы ў Мінску. Мяркуючы па памерах скульптуры, ліпа была вельмі вялікай. Непрапарцыйная фігура, велізарныя рукі і ногі, звязанае цела, напружаныя мышцы — сам персанаж умоўны, цяжка сказаць, гэта першабытны чалавек ці сучаснік скульптара[1]. Раб закуты, але не зламаны: у яго левай руцэ заціснуты камень, твар дыхае няўмольнай нянавісцю. Аўтар экспрэсіўнымі сродкамі — дэфармацыяй, гратэскам — перадае моц чалавека і ўладу кайданоў. Відавочна — асілак вырвецца на волю. Скульптар праўдзіва паказаў стан прыгнечанага народа і меркаваны вынік выбуху гневу — заслужанага, але і бязлітаснага. Гэта — адно з абліччаў рэвалюцыі і, магчыма, урэшце, вызначальны. Аблічча пужае, але велізарная сіла і энергія раба зачароўвае, як пужае і зачароўвае разбуральная і стваральная сіла[2].

Зноскі

Спасылкі[правіць | правіць зыходнік]