Равакі
Jump to navigation
Jump to search
| Равакі | |
|---|---|
| англ. Rawaki | |
 Выгляд з космасу | |
| Характарыстыкі | |
| Плошча | 0,65 км² |
| Насельніцтва | 0 чал. |
| Размяшчэнне | |
| 3°43′ пд. ш. 170°43′ з. д.HGЯO | |
| Архіпелаг | Астравы Фенікс |
| Акваторыя | Ціхі акіян |
| Краіна | |
 Аўдыё, фота і відэа на Вікісховішчы | |
Рава́кі (англ.: Rawaki) — востраў у групе астравоў Фенікс. Да 1980 г. меў назву Фенікс. Уваходзіць у склад дзяржавы Кірыбаці. Плошча — 0,65 км². Незаселены.
Востраў Равакі знаходзіцца ў Ціхім акіяне, на поўдзень ад экватара, у 1880 км ад Паўднёвай Таравы, сталіцы Кірыбаці. Гэта замкнёны атол з унутранай лагунай, які атачае кола каралавых рыфаў.
Быў адкрыты 24 лютага 1824 г. экіпажам брытанскага карабля «Фенікс» і атрымаў назву Фенікс. Пазней гэтая назва была выкарыстана картографамі для ўсёй групы астравоў. У 1870—1871 гг. на Равакі здабывалі гуана. 29 чэрвеня 1889 г. Равакі быў далучаны да брытанскіх каланіяльных уладанняў. У 1979 г. перайшоў пад юрысдыкцыю незалежнай дзяржавы Кірыбаці.
