Размовы з удзельнікам:PanHaspadar

Памер старонкі: 7 293

Вітаем

Вітаем у Вікіпедыі! Рады бачыць вас у беларускамоўнай суполцы Вікіпедыі. Даведацца, што робіцца ў беларускай энцыклапедыі, можна на старонцы Апошніх змен. Што зрабіць? Тут ляжыць пералік таго, што трэба зрабіць. Калі ў артыкуле ёсць недакладнасць ці памылка, яе можа выправіць кожны (Гл. таксама: вікіфарматаванне) Можна ствараць новыя артыкулы, пашукаўшы перад гэтым ці ёсць ўжо такія. (Гл. таксама: беларуская раскладка, пагадненні пра найменне і афармленне артыкулаў) Як атрымаць дапамогу? Звярніцеся на форум Вікіпедыі або ў суполку Фэйсбука ці LJ, праз Discord, Telegram, IRC #wiki або ў «Размовы» да іншых удзельнікаў і адміністратараў.		Карысныя парады Пры стварэнні артыкула (Гл. таксама: беларуская раскладка клавіятуры, аўтарытэтныя крыніцы, вікіфарматаванне) трымайцеся пагаднення пра найменне артыкулаў. Для спраўджвання правапісу ёсць розныя праграмы. Каб лягчэй працаваць, ёсць гатовыя шаблоны. Да артыкулаў можна дадаваць выявы і матэматычныя формулы. Калі можна, дадавайце ў артыкул катэгорыі і спасылкі на іншамоўныя артыкулы. Калі ласка, запаўняйце радок Тлумачэнне пад акенцам рэдагавання, каб іншым удзельнікам лягчэй было сачыць за зменамі. Перад тым як захаваць сваю працу, націскайце кнопку Як будзе, каб убачыць меркаваны выгляд артыкула. У размовах заўсёды карыстайцеся подпісам, які ставіцца камбінацыяй ~~~~, або націсканнем кнопкі Ваш подпіс і адзначаны час у кансолі над акенцам рэдагавання. Зрабілі памылку? Кожную памылку можна хутка выправіць, а артыкул з памылковай назвай выдаліць.

--JerzyKundrat (размовы) 20:44, 5 лютага 2023 (+03)

6000 марак

Вітаю. "каб Лівонская канфедэрацыя выплаціла 6000 марак на падставе таго, што раней кожны дарослы мужчына плаціў адну марку Пскову", -- Вы тут не адчуваеце ніякай неадпаведнасці, хоць бы ў суме і колькасці насельніцтва? Гэта толькі што адразу кінулася ў вочы. Таксама, пажадана было б падаваць крыніцу, адкуль гэта ўсё. Дзякуй. Максім Л. (размовы) 22:27, 7 мая 2023 (+03)

Добры дзень! Слушная заўвага. Часова выдаліў, бо не зразумела ці гэта сума была за цэлае Дэрпцкае біскупства, ці толькі за насельніцтва самаго Дэрпта.

Наконт спасылак, то я планую дадаць калі дапішу перадумовы.

Дзякую! PanHaspadar (размовы) 20:41, 8 мая 2023 (+03)

Тут паўстае пытанне, ці варта перакладаць тэкст напісаны паводле такіх крыніц. Там было не "6000 марак" (марка = каля 240 гр срэбра) па марцы з чалавека, а 60.000 талераў і даніна была не з чалавека, а наогул не ясна з чаго. Сама даніна была мізэрная, а большасць сумы складала "пеня" за 200 гадоў яе няплаты, і даніна плацілася не Пскову. Гэта, як цяпер кажуць, "база" для аўтара, які піша на тэму Інфлянцкай вайны і трэба глядзець, а ці спецыяліст то агулам пісаў Ваш крынічны тэкст. Артыкул патрабаваў паляпшэння, але ўжо з гэтага фрагменту ёсць сумненні, што абраны якасны матэрыял, і што там яшчэ накручана, чаго я не ведаю. Але глядзіце самі. Максім Л. (размовы) 10:13, 10 мая 2023 (+03)

Паглядзеў, што ўкраінская і ангельская вікіпедыі пішуць пра 6000 марак і спасылаюцца на "De Madariaga, Isabel (2006), Ivan the Terrible, New Haven, Connecticut: Yale University Press, ISBN 978-0-300-11973-2"

То як лепш зрабіць? Можа тады напісаць і пра 6_000 марак і пра 60_000 тысяч талераў са спасылкамі? PanHaspadar (размовы) 18:50, 12 мая 2023 (+03)

@PanHaspadar не прыйшло паведамленне пра адказ, то і са спазненнем рэагую. Гледзячы з самой Вікіпедыі, en:Isabel de Madariaga спецыялістка пра Расіі 18 стагоддзя. Навошта яна пісала пра 16 -- пытаннечка. Але ж бачым, што правал на базавых пытаннях. У такім разе проста напісаць, што фармальным повадам для вайны было пытанне г.зв. "Юр'еўскай даніны", без распісавання што і колькі гэта, бо яно спрэчна. Можна і асобны артыкул пра гэтую даніну напісаць, падаць там усе контрверсіі. Максім Л. (размовы) 20:24, 25 мая 2023 (+03)

Яшчэ зачытаў і таксама заўважыў момант з "выхадам да мора і гандлёвых шляхоў" -- вечная песня расійскай гістарыяграфіі. У Маскоўскай дзяржавы тым часам быў выхад на заходні бок шырэйшы за цяперашнюю Расію. Толькі ўсе краіны ўзбярэжжа Балтыйскага мора наклалі забарону на гандаль і супрацоўніцтва з Масквой, парушальнікаў вельмі проста каралі смерцю. Як гэта б вырашыў "выхад" расійская гістарыяграфія адказу не дае. Максім Л. (размовы) 10:35, 10 мая 2023 (+03)

Дзякую за заўвагі. На гэтую сітуацыю можна і так паглядзець: Выхад быў, але трэба б было яшчэ інфраструктуру пабудаваць. Пытанне ці вайна танейшая за пабудову інфраструктуры... Хоць вось у Івангорадзе пабудавалі порт на мелкаводдзі які так сабе працаваў. А забароны на гандаль не вечныя. PanHaspadar (размовы) 18:59, 12 мая 2023 (+03)

Вы спрабуеце ўласнае даследаванне зрабіць. А так забарона на гандаль пачалася яшчэ пры дзедзе Івана IV -- пры Іване III, а скончылася пры Пятры I толькі. А так то не вечныя, вядома. І менавіта праз тую забарону і блакаду англійскія і галандскія купцы, якіх забарона не ахоплівала, гандлявалі з Расіяй праз Архангельск. Няма розніцы мелкаводдзе ці глыбакаводдзе, калі ніхто на ўзбярэжжы мора ў цябе нічога не купіць, а з мора цябе не выпусцяць. Наконт цаны, то за аксіёму заўсёды лічылася, што вайна самы дарагі варыянт, бо яе ход і вынікі непрадказальныя. З часоў старажытнасветных, першых цывілізацыі, колькі ёсць пісьмовая гісторыя. Максім Л. (размовы) 20:37, 25 мая 2023 (+03)