Раіса Рыгораўна Бекельман

Раіса Рыгораўна Бекельман
Дата нараджэння	19 сакавіка 1929(1929-03-19) (95 гадоў)
Месца нараджэння	Адэса, Адэская акруга[d], УССР, СССР
Альма-матар	Маскоўскі архітэктурны інстытут (1949)
Месца працы	Мінскпраект Белдзіпрагандаль БелНДІПгорадабудаўніцтва Белкамунмаш
Член у	Саюз архітэктараў СССР

Раіса Рыгораўна Бекельман (нар. 19 сакавіка 1929, Адэса) — беларускі архітэктар.

Біяграфія

Скончыла ў 1949 годзе Маскоўскі архітэктурны інстытут. З 1949 па 1956 г. працавала ў праектных арганізацыях Ашгабата, Варонежа. З 1961 года — галоўным архітэктарам праектаў у Мінскпраекце, Белдзіпрагандлі, БелНДІПгорадабудаўніцтва, з 1978 па 1983 г. — галоўным архітэктарам завода МГМЗ, «Белрамкамунмаш».

Член Саюза архітэктараў СССР з 1953 года. Пражывае ў Мінску.

Творчасць

Асноўныя працы: будынак абкама і аблвыканкама на плошчы К. Маркса, гасцініца (з Ф. А. Захрэ), шматкватэрны жылы дом з крамай у Ашгабаце; інтэрнат Вышэйшай партыйнай школы, сталовая самаабслугоўвання, інтэр’еры рэстарана «Варонеж» у Варонежы; 166-кватэрны жылы дом па праспект Машэрава (1965), інтэр’еры крам «Алеся», «Чараўніца» (1968), «Гаставары» на Ленінскім праспекце, школа для дарослых глуханямых (1969) у Мінску, санаторый-прафілакторый у Наваполацку (1972), інтэр’еры сталовай, вытворчых і адміністрацыйных памяшканняў.

Літаратура

• Бекельман Раиса Григорьевна // Архитекторы Советской Белоруссии: Биогр. справочник / Союз архитекторов БССР; Сост. В. И. Аникин и др. — Мн.: Беларусь, 1991. — 262 с. — ISBN 5-338-00611-1. (руск.)