Рынар Салаватавіч Валееў

Рынар Валееў
Агульная інфармацыя
Поўнае імя	Рынар Салаватавіч Валееў
Нарадзіўся	22 жніўня 1987(1987-08-22) (37 гадоў) Адэса, Адэская вобласць, УССР, СССР
Грамадзянства	Украіна
Рост	173 см
Вага	75 кг
Пазіцыя	паўабаронца
Інфармацыя пра клуб
Клуб	няма
Маладзёжныя клубы
2001—2004 Чарнаморац (Адэса) 2005 Дэ Графсхап
Клубная кар’ера
2007—2009 Чарнаморац (Адэса) 24 (2) 2008—2009 →  Сталь (Алчэўск) 24 (1) 2009—2010 Абалонь (Кіеў) 28 (1) 2010—2013 Крыўбас (Крывы Рог) 68 (3) 2013—2014 Чарнаморац (Адэса) 5 (0) 2014 Іртыш (Паўладар) 13 (1) 2015 Ільічовец (Марыупаль) 9 (0) 2016 Гарняк (Крывы Рог) 5 (0) 2016 Дачыя (Кішынёў) 0 (0) 2016 Ільічовец (Марыупаль) 9 (0) 2017 Іслач (Мінскі раён) 23 (3) 2018 Шэвардэні-1906 (Тбілісі) 16 (0) 2019 Алімпік (Данецк) 9 (0) 2019—2020 Абалонь-Бровар (Кіеў) 20 (0) 2020—2021 Чарнаморац (Адэса) 14 (0) 2021—2022 Пэрэмога (Дніпро) 17 (6) 2022 Дзюсельдорф 3 (0) 2022—2023 Дуйсбург 15 (4)
Медыяфайлы на Вікісховішчы

Рынар Валееў (нар. 22 жніўня 1987, Адэса) — украінскі футбаліст, паўабаронца.

Клубная кар’ера

Выхаванец адэскага «Чарнаморца», гуляў за клуб у юнацкім першынстве Украіны. У 2005 годзе выехаў у Нідэрланды, далычыўшыся да юнацкай каманды клуба «Дэ Графсхап», за які тады выступаў старэйшы брат Рынара Руслан Валееў. Неўзабаве вярнуўся ва Украіну, гуляў у адэскіх аматарскіх клубах.

У студзені 2007 года падпісаў кантракт з «Чарнаморцам». 18 сакавіка 2007 года дэбютаваў у Вышэйшай лізе ў матчы супраць «Крыўбаса» (2:3). Улетку 2008 года быў аддадзены ў арэнду алчэўскай «Сталі». Сезон 2009/10 правёў у кіеўскай «Абалоні», пасля чаго перайшоў у «Крыўбас». Улетку 2013 года крыварожскі клуб спыніў існаванне, і Валееў у якасці свабоднага агента зноў стаў іграком «Чарнаморца».

Улетку 2014 года, пакінуўшы «Чарнаморац», стаў іграком казахстанскага «Іртыша». У 2015 годзе вярнуўся ва Украіну, далучыўшыся да «Ільічоўца». У 2016 годзе на кароткі час быў іграком «Гарняка» і малдаўскай «Дачыі», пасля чаго зноў апынуўся ў «Ільічоўцы».

У сакавіку 2017 года прыбыў на прагляд у беларускі клуб «Іслач» і неўзабаве падпісаў кантракт. Здолеў замацавацца ў аснове каманды і стаць адным з яе лідараў. У лістападзе 2017 года, за тур да заканчэння чэмпіянату, разам з іншымі ўкраінскімі легіянерамі пакінуў «Іслач».

У жніўні 2018 года далучыўся да клуба другога дывізіёна Грузіі «Шэвардэні-1906». У сакавіку 2019 года вярнуўся ва Украіну, далучыўшыся да данецкага «Алімпіка». У жніўні 2019 года перайшоў у «Абалонь-Бровар». Сезон 2020/21 правёў у адэскім «Чарнаморцы», дапамог клубу вярнуцца ў Прэм’ер-лігу. У ліпені 2021 года стаў іграком клуба Другой лігі «Пэрэмога» з Дніпра. У 2022 годзе адправіўся ў Германію, дзе далучыўся да аматарскага клуба «Дзюсельдорф», а неўзабаве перайшоў у «Дуйсбург», дзе гуляў да канца сезона 2022/23.